Read Angami Naga Chieliko 27 Bible Online

Chieliko 27 - Angami Naga bible

Chieliko 27

¹Jihova sü a kezieu mu a kelakelieu: a supuo prei ta? Jihova sü a kelhou kekuou[15] zo: a supuo prei ta?

²Kerüzhüko, a kepetsouko mu a ngumvüko, a tecülietuoü kevor ki, uko phi mesü di tetsutuo.

³Rüpfhünuo puo thuo a houpfülie shierei, a meloue michielie lho, terhü thuo a petsou sier zo shierei, a hau nu thepfu ba zotuo.

⁴A mhapuo Jihova kinu lie nyü ba, a süu pfhütuo: süusü, a rheichie Jihova kinu lhou di, Jihova zivi meho, mu Jihova rüsuoki nu mha ketsolieketuo la.

⁵Kemezhiekecü ki puo pfheki nunu a kevielietuo; puo rüsuopfheki keyau nunu a kevielietuo; puo a khapie tsiekrie kerükrie puo gei shütuo.

⁶Sitse a tsüe a ngumvümia a houpfü kebako mho sietatuo, mu a puo rüsuoki nu keneipfü shie di ruosuo chüshütuo; a ketshe tsali chüpie Jihova ki shütuo.

⁷Rünyüshücie, He-i Jihova, a pfhe phra di kiekeshü ki, a ngumezhie di a kecha kelashüyi.

⁸A meloue sie di, “Puo zie pfhülie!” si. Jihova, a n zie pfhüya.

⁹A kinu n zie kevielieta hiecie; n neikemo nunu n kituou kelawa hiecie; no a kekhruou chü vor, a khawa hie, a meliewa hiecie, harie a kelakelie Kepenuopfü!

¹⁰A puo mu a zuo a khakewa ki, Jihova a chüpielietuo.

¹¹He-i Jihova, n chapie a pethashücie, sidi a ngumvüko la, a ze cha kemezhü nu vocie.

¹²A khapie a ngumvüko tsüwa hiecie, ketijü zhapuko a petsou sier tse, mu zhosuo die kepuko sier a petsouketa la.

¹³A peleya; kerheiko kijüu nunu Jihova kevi ngu zoketuo.

¹⁴Jihova merü balie, meteilie, mu n melou bu thepfulie, Jihova pfhe ba zolie!