Read Angami Naga Chieliko 30 Bible Online

Chieliko 30 - Angami Naga bible

Chieliko 30

¹A n pu kerükrietuo, he-i Jihova, no a phoukeshü la, mu a ngumvüko nei krawa mokelie la.

²He-i Jihova, a Kepenuopfü, a n ki melieshü, ru no a chü keshürhoshü.

³He-i Jihova, no Sheol nunu a ruopfü se parshü; no a perheishü, a bu Thekhe nu leta molie.

⁴Ketshe tsali chüpie Jihova ki shüliecie, harie puo pelekezhako, puo za kemesau thezielie.

⁵Puo nouyie dopuo zo, puo keneiu we kerheichie; kekra sü theva balie vi, derei kenei-e khise vorya.

⁶A khrukhre keba ki, “A mhakipuorei rüsierünielie lho” isi baya.

⁷Harie Jihova, a kenei nunu no a chüpie kijüthou puo mhie shüya; no n zie kevielie tse, a a dzüzeitaya.

⁸Jihova, a n kieshü; mu a Jihova ki a mezhiemeloshü.

⁹A siaketa nu kepra kedipuo ba ga? A Thekhe nu leta ro! Nyophe n tshetuo me? Süu n ketho-u pie pesishütuo me?

¹⁰Rünyüshücie, he-i Jihova, di a ngumezhieshüyi; he-i Jihova, a kekhruohiu.

¹¹No a kekra chü kedipie rülhoukecü chüwate; no a gakhropfhe rhuowa di kenei pie a wheshü.

¹²Süla a ruopfüe[19] kelipie n tshetuo, mu kemekrieta lho; he-i Jihova, a Kepenuopfü, a kechachie n thezie tuo zotuo.