Read Angami Naga Chieliko 32 Bible Online

Chieliko 32 - Angami Naga bible

Chieliko 32

¹U kejokemou vakewamia, u kephouma whewaketamia thejakepfümia zo.

²Jihova bu puo üse jomo ükewamia, mu puo ruopfü ketho kemo ba kemomia thejakepfümia zo.

³A zei di zhate meheimelokecü nunu, a moe thachü vote.

⁴Teisoteizei rei n dzieu a gei mesiketa la; a kekuou chüpie metsütherü nu tei keso tuoita. Selah

⁵A kephoumako phrapie n ki shü, mu ae a kejo kemou keviewa mo. A sie, “A kejokemou phrapie Jihova ki shütuo” sishü, ru no a kejokemou vashü. Selah

⁶Süla kemiathomia kehoupuo bu rei n ki chaliecie; kemezhiekecü ki, dzü di se kesier ki uko vo tsolie lho.

⁷No sü a rüshüchü zo, kemezhiekecü nunu no a pekrulieya; no kelakelie tsaliko pie a khie a mhou houshüya. Selah

⁸A n bu voketuo chau tha n kie mu n pethashütuo: a mhi pie n kitsa shü di n chathatuo.

⁹Gura morei gada u kele kejüko mhieta hie; süko we kero se u me doulie di teshü morosuoya, mo üro uko nie penuo vor lho.

¹⁰Kerüzhümia nousuo kekra baya, derei Jihova kekhrie ngukemezhie puo peleyakezhamia houpfü baya.

¹¹Jihova nie noumvülie, mu nie nei zolie, nie kemiathoko, mu nie nou kemezhüko pete, nie kenei pfü shieliecie.