Read Angami Naga Chieliko 36 Bible Online

Chieliko 36 - Angami Naga bible

Chieliko 36

¹Thezho kevarhuoe kerüzhümia melou nunu u rüchüya; uko mhiki Ukepenuopfü keprei tuo mo.

²Uko mhiki uko thuo uko tshe di mia uko kejo ngulie kenjü üya.

³Uko tie nu dieko sü kejokemou mu mia kese phre zo; sükoe mhasilieketuo mu mha kevi chüketuo khakegewate.

⁴Uko zhü nunu mha kesuo rhüya; uko thuo u khapie vi kemo chanu shüya; uko mha kesuo ngumecüya mo.

⁵Harie Jihova, n kekhrie ngukemezhie-e vo teiko tso; n diethoe vo kimhouko tso zo.

⁶N diethoe kijüthou kezhako mhie zo; n cakoe kesou kezha mhie; harie Jihova, noe themia mu khunuo pekru phreshüya.

⁷N kekhrie ngukemezhieu kide vi shi! Süla themia pete n shükhro nu kerülei ngulieya.

⁸N kiu nu kinyiko se ukoe thehethehie chüya; mu noe uko bu n kenei rüu nunu krieya.

⁹Kerhei dzüluou n kinu tuocü la; n kezieu nunu hie kezie nguya.

¹⁰N sikezhako gei n ketseikevi bu tuo zoliecie; mu n kemiatho üse u nou kemezhüko gei shü zo vocie.

¹¹Kemiakocümia phi bu vor a kede hieyi, mu kerüzhümia dzie bu a whuowa hiecie.

¹²Mha kesuo kechüko tetsu zerepfü zhüte; uko kelhouwate, mu la sie lalie kenjüte.