Read Angami Naga Chieliko 41 Bible Online

Chieliko 41 - Angami Naga bible

Chieliko 41

¹Kejümia rüli rükrayakezhau thejakepfümia zo; Jihovae kemezhiekecü teiki puo kelashüya.

²Jihovae puo pekrushü mu puo perheishütuo, tsiu uko üse kijü nu u neikezhako ütuo, süko khapie u ngumvümia medo nu shüwalie lho.

³Jihovae kemezhiekecü zhü gei rei u chü pekuoshüya; uko mhachükezhü ki no uko chü keshürhoshüya.[25]

⁴A sie, “Harie Jihova, a ngumezhieyi, a chü keshürhoshücie, a n gei phoumawate mu” ishü.

⁵A ngumvümia a gei kelhie di, a kicükipuo siatatieya, mu a za jütatie shi ituoya.

⁶Uko vor a mehocü ki, ketheracü die puya; uko melou nu mha kesuo kengu baya; uko chazou pra di sü pu keza tuoya.

⁷A ngukemecüko pete a ngukemvü die kenupuya; uko a bu suotatuoü menguya.

⁸Ukoe a üse mha kere se puo puo kupfüliete, puo tsie we zhüte mu lasielie lho icü leya.

⁹A khrietho, a puo pele kevor-u, a niekhrüda kecüu zorei, puo phitshü pie a petsoute.

¹⁰Derei Jihova, no we a ngumezhieshü zocie, sidi a phoushüyi; a bu uko zhada vü lashüketuo la.

¹¹No we a ngu n neiyacü, a ngumvümia bu a mho kuolietaya kemo la, a siliete.

¹²A la we, a kedietho ki ze no a pesieshüte; sidi a khapie n zie mhodzü ki ba seiliete.

¹³Jihova Israel Kepenuopfü bu thetshekepfüu chücie, kechachie nunu kechachie ketso. Amen, mu Amen.