Read Angami Naga Chieliko 48 Bible Online

Chieliko 48 - Angami Naga bible

Chieliko 48

¹Jihova zha phiwe, mu uko Kepenuopfü nadiu nunu puo tshe kerükrie morosuo. Puo kemesa kijüthou,

²rükrie mu zivi, kijü pete neiu sü Zion kijüthouu zo, Kedi kezhau nadi, pesotsa kebau.

³Kepenuopfüe süu dahouko nu baya; mu puo thuo süu yase balie kevi pekieshüte.

⁴Sidi, kediko vo kengulie, uko keze vor.

⁵Ukoe süu ngu di uko ngota, uko bie kebouwa di rükri tata.

⁶Ukoe sükisü nu peta; thenumia puo nuonuo vachü chü kevor tuoi.

⁷Noe niathutsa nu kevor teikhrieko se Tarshish rouko bietshebietshawa.

⁸Hie rünyükelie tuoi, ngu reiliete, Krodiko Jihova rüna nadiu nu, hie Kepenuopfü nadiu nu; Kepenuopfüe kechachie la süu pesieshü. Selah

⁹Harie Kepenuopfü, hie n rüsuoki nunu, n kekhrie ngukemezhie le vorwe.

¹⁰Harie Kepenuopfü, n za tuoi n ketshe rei kijü kelako nu voya; n dzie n zatsae kemiatho se tshupfü ba.

¹¹Zion kijüthou bu puo neilie, Juda nuopfüko bu u neilie, no pepikeshüko la.

¹²Tuo Zion khieki vocie, di puo khie whi voshülie, puo dahouko phrüshülie.

¹³Puo dahouko le menuolie, puo kedikiko rieshülie; sitse hasie lhou kevor phouu ki pushülieketuo la.

¹⁴Ukepenuopfü hauha telhekechachie úko Kepenuopfü zocü la; puoe kesia ketso rei u chatha tuo zotuo.