Read Angami Naga Chieliko 52 Bible Online

Chieliko 52 - Angami Naga bible

Chieliko 52

¹No kiüdi Ukepenuopfü kepreimia gei kelhie ü kemelhaya ga? Harie themia kekuou! Noe zhate mha pekaketuo rhüya.

²N meü sü mha kesuo rhüya, tsüpfü puoü kevi puo tuoi zo; no mia se kedayakezhau.

³No keviu ki kesuo n neikuoya; mu kedietho kepu ki rei ketijü n neikuoya. Selah

⁴No mha tekecü die pete n neiya, harie mhakese meü-u!

⁵Süsü tuoi Kepenuopfü rei kechachie la n pekawatuo, puo n pfheki nunu n chüsetatuo, mu n ciethewatuo, mu kerheimia kebachü nunu n phewatuo. Selah

⁶Kediethomia rei süu ngu di michietuo, mu uko puo kre di sie;

⁷“Legei, Ukepenuopfü pie puo kekuo chü kemo themiau sü, derei puo thuo puo kinyi kekra kebako pele mu mia pekakelie üse puo chü pekuo seketuou!”

⁸Derei a we Ukepenuopfü kiu nu Olivbo pejo rülepfü keba tuoi zo; a telhekechachie Ukepenuopfü ngukemezhieu peleya.

⁹No chükeshüko la, a n tshe sei tuotuowe. Kemiathoko mhodzünu nu a n za pushütuo, sicüe vicü la.