Read Angami Naga Chieliko 56 Bible Online

Chieliko 56 - Angami Naga bible

Chieliko 56

¹A ngumezhiecie, he-i Kepenuopfü: mia a mezulietuoü keba la, zhate a perhie petsou ba zo.

²A ngumvüko zhate a mezulie nyü baya; a perhie kebako kra phitacü la. He-i Kerükrietho-u,

³a michiekelie ki, a n peletuo.

⁴Ukepenuopfü, a puo die tsheyakezhau; Ukepenuopfü, a puo pelekezhau, a michielie lho; chüüphou a gei kedipuo chülie ta?

⁵Ukoe zhate a chükezhau bie kerüza shütuoüya; uko noudonoule pete a gei mha kesuo chükecü leya.

⁶Ukoe mha pfükerhüshüya, uko rüshü di a phichako rie baya. Uko a kerheiro liewa nyüya.

⁷Uko jo zo di talietuo me? Thenou kemeyie nunu themiako kelhouwacie, harie Kepenuopfü.

⁸Noe rütha kho rütha ke kezhü ngushüte; a mhidzüko pie n chüzhü sü nu shüliecie; süko n leshüda nu ba mo me?

⁹Ae kiekeshü ki, a ngumvüko rüreitatuo; a hauha si ba, Ukepenuopfüe a kitsa zocü la.

¹⁰A Ukepenuopfü nunu puo dieu tshetuo; Jihova nunu a puo dieu tshetuo.

¹¹A Ukepenuopfü pele vor, a michielie lho; chüüphou kepfümia a gei kedipuo chülie ta?

¹²Harie Kepenuopfü, a die phrapie n ki shüte; a ketshe ruosuo chüpie n tsütuo.

¹³Noe kesia nunu a phou kelalieketa la; krütaketuo nunu no a phi shüphraliete? A bu Ukepenuopfü kerhei kezie nu tuolieketuo la.