Read Angami Naga Chieliko 6 Bible Online

Chieliko 6 - Angami Naga bible

Chieliko 6

¹He-i Jihova, n noupfhü nunu a kerhie hieyi; morei n nouyie nunu a petha hieyi.

²He-i Jihova, a ngumezhieshüyi; a kemezhie bate; Jihova, a chü keshürhoshüyi; a ruko michiepie pe bate.

³Kemichie bu a ruopfü kede se bate; no Jihova, kichiepuo ta?

⁴Jihova, rürei vor a kelalieyi: N kekhrie puo kela kejü pie a kelashüyi.

⁵Kesia nu we n kerükra puo rei jütatie; supuonie mekhru nunu n thezie ta?

⁶A meheimelo zo ba a nyiete; teizeizha metsei a zhü nu mhidzü pekru; a kekra mhidzü pie a yakou petse.

⁷Thenou kesuo la a mhi thachüte; a ngumvümia pete la puo bu thachütazhie.

⁸Nie mha kesuo chüyakezha khe, a kinu pecietacie; Jihova a kekra pfhe siketa la.

⁹Jihovae a mezhiekemelo rünyüliete, Jihovae a kecha lielieya.

¹⁰A ngumvümia pete mengalietuo, mu kemichie pie u kedepfülietuo: uko tsiesietatuo, zopuonu thenga chütuo.