Read Angami Naga Chieliko 63 Bible Online

Chieliko 63 - Angami Naga bible

Chieliko 63

¹Harie Kepenuopfü, no a Kepenuopfü zo; a n pfhüya; a ruopfüe n mengu di terhüya; a chü n menguya: dzü kejü mu kijü keso u dzükezeiko nu tuoi.

²Süla a kemesa chüu nu n mengu di n meho, n kekuo mu n zayieu ngu.

³N kekhrie ngukemezhie-e kerheiro ki rei vikuocü la; a tie-e n tshetuo.

⁴A rhei kebachie n tshetuo; a dzie yhapie di n za kietuo.

⁵Thenyi[38] kevi puo nu ketheguokelie mhiei a ruopfü pevüte; a tie rei puo kenei meü se n tsheya.

⁶A zhü nunu n rükrakelie ki, mu theva rükhouko nu n rüli medokeshü ki;

⁷No a kekhruou chü kevor la, n shü khrüu nunu a se chielituo.

⁸A ruopfüe n ku tuoya; n dzie n zatsae a phou pesieshüya.

⁹Derei a kerheiro pekawatuoü a pfhüyakezhako we kijü kesou nu tsutatuo.

¹⁰Uko khapie zhiechau kekuo gei shüwatuo; uko la meseruko ca chüwatuo.

¹¹Derei kediue Kepenuopfü nunu puo neituo; puo pie rüsekezha kehoupuorei zayie chütuo; ketijü puyakezhako tie khawataketuo la.