Read Angami Naga Chieliko 64 Bible Online

Chieliko 64 - Angami Naga bible

Chieliko 64

¹A panyakecü pfhe rünyüshücie, harie Kepenuopfü, ngumvümia keprei nunu a kerheiro pekrushüyi.

²Mha kesuo chükezhako kepekhre mharhüko nunu a kevieliecie; kejokemou chü tuoyakezhako nunu rei;

³uko meü kerüpie zhiecha tuoi, tsiu uko die kepfhü theütsie üse mharü baya.

⁴Uko rüshü chü di kejo kejüko peya; uko mia pe mhaishü, mu michie mo zo di.

⁵Mha kesuo kechü la uko tha tsalieya; uko pekhre di kebie pethoushüya; ukoe, “Supuonie uko nguta?

⁶Supuo thezho varhuokecüko pfhülie ta?[39] We menuo se di thedo rhüliete,” icü leya. Themia melou mu melou ha soukecü la.

⁷Derei Ukepenuopfüe theü ciepie uko vatuo; uko va kerüza mhawatuo.

⁸Uko meü la puoe uko biewatatuo; sidi uko pekaperuowatuo; mu mia uko kengu khe merie di pe zotuo.

⁹Themia pete michietuo, di Ukepenuopfüe chükeshüko putuo, sidi puoe chükeshüko letuo.

¹⁰Kemiathomia bu Jihova nu u neiliecie, mu puo geinu rüleiliecie. U nou kemezhümia pete bu u nei pie zapuzayie chücie.