Read Angami Naga Chieliko 70 Bible Online

Chieliko 70 - Angami Naga bible

Chieliko 70

¹Harie Kepenuopfü, n nei di a zeliecie, harie Jihova, kenourhei a khruohishücie.

²A kerheiro pfhü ketuoko bu thenga mu u ziekejü chütacie. Tsiesie ketako mu kethevie se kevorko mu a pechükecü u neikezhako rei.

³“Ha, ha” ituoyakezhako bu thenga chü di rürei pesietacie.

⁴N pfhüyakezhako bu n geinu u nei mu u nei sieiliecie; mu n kelakelie u neiyakezhako bu, “Ukepenuopfü bu kerükrieu chücie” si sei tuocie.

⁵Derei a we mhajü mu tsopfhü, rürei a kitsa vorcie, harie Kepenuopfü! No sü a kekhruo-u mu a kelakelieu zo; he-i Jihova, menyhota hiecie.