Read Angami Naga Chieliko 72 Bible Online

Chieliko 72 - Angami Naga bible

Chieliko 72

¹No n ketho cau pie kediu tsücie, harie Kepenuopfü, mu n kemiatho-u pie kediu nuo tsücie.

²Puo bu kemiatho se n themiako mu ketho cau se ketsopfhüko nyie pepishücie.

³Kijüthouko bu kruokelie se themiako tsücie, mu kemiatho se kijükhruko gei shücie.

⁴Puo bu themiako donu nu kejümiako yashücie, mu ketsopfü nuonuoko kelashücie, tsiu mia peseyakezhako getshieshücie.

⁵Niakiu mu khrüu kebachie, thephou pete nu puo bu rhei[46] tuo üthienyü.

⁶Puoe nha rekewako gei teirü tsurcü tuoi, mu teirüe kijü vakeshü tuoituo.

⁷Puo teiki kemiathomia bu kruoliecie; mu khrü jüta kemochie nouneu bu bacie.

⁸Puo bu dzükezha nunu vo dzükezha ketso kekhacie; tsiu Kerüu nunu kijü kela ketso.

⁹Puo ngumvüko[47] bu puo mhodzünu nu nerhutsucie; tsiu puo ngumvüko bu nyophe meyocie.

¹⁰Tarshish nu mu kijürüchütsokemoko nu kediko bu puo khruo khruocie; Sheba mu Seba nu kediko bu mha se vor puo tsücie.

¹¹Kedi pete bu puo mhodzünu nerhu tsucie, mu seyie pete bu puo lie chücie.

¹²Puoe ketsopfhüko meliekeshü ki u kelashüyakecü la; tsiu kejümia u kekhruo tuo kemomia rei.

¹³Puo kethachüko mu ketsopfhümia ngumezhieya, tsiu ketsopfhüko kerheiro kelashüya.

¹⁴Puoe mia u kepese mu zhosuo nunu u kerheiro kelashüya, puo mhodzüki uko zie puoma recü la.

¹⁵Puo bu rhei kechau chücie! Sheba nu suna pie puo tsücie! Mia bu puo la cha sei bacie, mu zhate japie puo tsücie.

¹⁶Kijüu nu lhacülhale bu menyhoulie üthienyü; kijüthouko tsüle geinu hekeyopfü di; puo nhasi bu Lebanon tuoi kruoliecie; mu rünako nu themiako bu lienu nha tuoi kruo parkelieu chücie.

¹⁷Puo za bu kechachie tuocie; niaki kebachie tuocie. Seyie pete puo geinu theja ngucie, mu uko bu puoü se thejakepfüu üdi pucie.

¹⁸Jihova, Israelko Kepenuopfü tsheliecie, puo rübei ungomhatho chüyakezhau.

¹⁹Kechachie puo za bu kemeyiechücie; puo zapuzayie bu kijü pete ketshu chücie. Amen mu Amen.

²⁰Jese nuou David kechako tseiliete.