Read Angami Naga Chieliko 8 Bible Online

Chieliko 8 - Angami Naga bible

Chieliko 8

¹He-i Jihova, Kekuotho-u! kijü pete nu n za kide vi shi! No n zayie pie teiko mho rei shüwate!

²Nuoranuomia mu kenuko tie geinu noe ngumvümia mu n kepetsoumia, tie dashüketuo chüliete.

³A n dziekinuo mhatho, teigei, khrüu mu themvüko mehokeshü ki;

⁴themia ha kedipuo di noe puo rüli medoya mu? Tsiu themianuo[2] ha kedipuo üdi no puo dze leya mu?

⁵Noe puo chüpie keduonuoyo puo Ukepenuopfü ki rünuozawa,[3] di zayie mu thetshetherhu pie puo tsüre chüshüte.

⁶Noe puo bu n dzie mhathoko mho kezha chüte; noe mha pete khapie puo phikhroshüwate.

⁷Tekuo mu mithu pete, lie nu nhachüko rei zo,

⁸teikhrie nu perako, siro dzükezha nu khuoko, dzükezha chako nu ketuo kehoupuorei zo.

⁹He-i Jihova, Kekuotho-u, kijü pete nu n za kide vi shi!