Read Angami Naga Chieliko 94 Bible Online

Chieliko 94 - Angami Naga bible

Chieliko 94

¹He-i Jihova, khepu Kepenuopfü, no khepu Kepenuopfü, zie parshücie.

²Sieliecie, harie kijü capiu; kokezhako ngukezhüu pie uko tsücie.

³Kerüzhümia bu kichiepuo, he-i Jihova! kelhiekecümia bu kichiepuo u noumvü batieya mu?

⁴Ukoe mia sanyü kemo die lashüya; kesuomiako u melha ü u tshupfü tuoya.

⁵Ukoe n themiako kedeshüya, he-i Jihova, uko n kayieu pese.

⁶Uko samipfü mu rüso-u dukhri, ukoe merünuoko dukhri.

⁷Ukoe sie, “Jihovae nguya mo, Jakob Kepenuopfüe siya mo” iya.

⁸Leshücie, nie kerüvo themiako donu mhale kemoko; kenyako, nie kinhiepuo mhasilietieya ga?

⁹U nyie chükeshüue mhapfhe si lho me? themhi chükeshüue mhangu lho üdi me?

¹⁰Seyieko pethayakezhau siazha khashü lho üme? Themia pethayakezhau mhasi jü üya me?

¹¹Jihovae themia noudoko siya; sükosü kemethuo thesü puo zocü.

¹²He-i Jihova, no puo pethashüyakezhamia sü ruokuomia, no n zho se pethakeshümia sü.

¹³Kerüzhümia la thekre puo thielie kemochie, noe kemezhiekecü zhako nunu kerülei pie u tsü.

¹⁴Jihovae puo themiako meliewa lho; mhakipuorei puo kayieu khashü motalie lho.

¹⁵Kemiathomia gei ketho capiu vor zotuo, mu u nou kemezhü khe süu medzi zotuo.

¹⁶Supuonie a la kelhiekecüko petsou tuo ga? supuonie a la sie di kesuomiako petsou ta?

¹⁷Jihova thuo a khruoshü motuoü ro, a ruopfüe mekriemeza kemora lhou zita mecie ru.

¹⁸“A phi tsierhietazhie” idi a leketa ki, harie Jihova, noe a khrielekhriethor a phoushü.

¹⁹A nounyüko kra seketa ki, no a ruopfü thupeluoshü.

²⁰No diethokemo kezhamiako ze mha chülie vituo me? Kelhiekecü zho chüshüyakezhako.

²¹Uko kepekrolie di kemiathomia petsouya, sidi kemezhümia pejo pie kesia nu shüya.

²²Derei Jihovae a kudau chüte, mu a Kepenuopfüe a keya tsiekrieu chülie.

²³Puoe uko kephouma zha chü tsüshütuo, mu uko kerüzhü la uko pekawatuo, Jihova, úko Kepenuopfüe uko peka lotsowatuo.