Read Angami Naga Chieliko 95 Bible Online

Chieliko 95 - Angami Naga bible

Chieliko 95

¹Vorlie, kelipie Jihova ki shü khe; u kenei pfhephra puo chüpie u kelakelie tsiekrieu ki shü khe,

²Kethezie khakeshü se di puo mhodzünu vorlie khe, úko keli di u kenei pfhe chüpie puo ki shü khe.

³Jihovae Ukepenuopfü kezha puocü la, terhuo peteko mho Kedikezhau zo.

⁴Puo dzie nu kijüu kesouko ba, mu kijüthou kerükrieko puo vie.

⁵Dzükezha puo vie, puo süu chüshü, kijü kesoko rei, puo dzie thuo süko chüshü.

⁶Vorliecie, úko nuketsu puo rüsuo khe, u Chükeshü Jihova mhodzünu khoutoulie khe.

⁷Puoe Ukepenuopfü zocü la, tsiu we puo rituo nu themia mu puo dzienu kuonuo. Hou! thie nieko puo pfhe silie ücü we!

⁸Meriba nu tuoi nieko nou perewa hiecie, Massa rayha nu tuoita hie,

⁹sünu nie puonuoko a medophi, a mhachükeshüu ngu zo ürei, ukoe süu ketso.

¹⁰Teicie hiedia thephou süu mecü di, “Ukoe u melou nu rütsi tuoketamia mu uko a krunu tuoyakemomia” ita.

¹¹Süla a nei kemopfü rüse di, “Uko bu a kerülei nu lelie lho” iwa.