Read Angami Naga Chieliko 97 Bible Online

Chieliko 97 - Angami Naga bible

Chieliko 97

¹Jihovae kedi, kijüu bu puo neiliecie, dzükezha khieko bu u noumvüliecie.

²Kimhouko mu zeide-icü bu puo houpfü ba; puo kediba kemiatho mvüdze-e mu kedietho zo.

³Mu mi puo puo mhodzü tuoya, di puo khie puo mhou puo ngumvüko thewaya.

⁴Puo teikemelakoe kijüu pezieshü; kijüu sü ngu di peta.

⁵Jihova mhodzünu kijüthouko mepfhibuo tuoi di zhata, kijü pete Jihova mhodzünu.

⁶Teiko puo kemiatho pesiya, tsiu themia pete puo zayieu ngu.

⁷Miarhikerüsuoko pete pie thenga nu shüwate, puoma kejü miarhiko se u mholie chü ketuoko; terhuoko pete puo mhodzünu nuketsute.

⁸Zion-e rünyülie di puo neilie mu Juda nuopfüko u noumvülie, n capiko la, he-i Jihova.

⁹Jihova no kijüu peteko mho kerükrietho-u zocü la; noe terhuoko pete mho rükrie.

¹⁰Harie nie Jihova nie neikezhako, kesuo rütseliecie; puoe kemiathomia kelhou rüguose baya; puo kerüzhümia dzie nunu süko kelashüya.

¹¹Kemiathomia la kezie, mu u nou kemezhümia la kenei prushüte.

¹²Nieko kemiathoko, Jihova nunu nie neiliecie; mu puo za kemesau tshelie.