Read Angami Naga Mhasidie 10 Bible Online

Mhasidie 10 - Angami Naga bible

Mhasidie 10

¹Solomon mhasidie. Mhakesi nuoe puo puo bu puo neilieya; derei nuo kenyau puo zuo bu puo nou kemezhietaya.

²Mha kesuo geinu ngukelie kinyi se mha kevi puorei chülieya mo, derei miathokecüe kesia nunu kelalieya,

³Niepuue kemiathomia bu katalie lho, derei puoe kerüzhümia menguu chü kelhouwatuo.

⁴U dzie kethachümia mhajütaya, derei u dzie keshürheimia mhanyilieya.

⁵Mhakele nuou teile ki mha kengulieya, derei lieyie ki zekezhü nuou thenga kralieya.

⁶Kemiathomia tsügei thejae ba, derei kegeikecüu kerüzhümia me tshupfü tuoya.

⁷Kemiathomia dze rükrakelie-e theja zo, derei kerüzhümia za we cieürietatuo.

⁸Mhakesimia meloue diekhakeshüko lielietuo, derei kenyadie puyakezhau katatuo.

⁹Kemezhü chü tuokezhüu khrukhrekecü nu tuo zo, derei cha ze kekrüketuomia-e mia puo silietuo.

¹⁰Kemhipfhi di mhiphrakete tuoyakezhau mha kesuo se vorya, derei dietho di mia kerhieshüyakezhau kezekevi se vorya.[10]

¹¹Kemiathomia me-e kerhei dzükhou puo zo, derei kerüzhümia me-e kegeikecü thuo tshupfü tuoya.

¹²Mia ngukemecü geinu kegei pesieshüya, derei kekhrie-e mha kesuo pete whewaya.

¹³Mhakesikele tie nunu mhasi ngulieya, derei seiro-e mhasimhale kejümia chiegei shütaya.

¹⁴Mhakesimia-e mhasi khapie balieya, derei mhasikemomia diepue keka penuo baya.

¹⁵Kenyimia kinyi-e puo rüna kemeteiu zo; mhakejüe kejümia kepekau zo.

¹⁶Kemiathomia mhatho zhakhrae kerheitsa voya, kerüzhümia mevikelieu kephoumatsatie voya.

¹⁷Kepethadie se bayakezhau kerhei chau nu vozhü zo, derei ruo di pethakeshü die lie kemvüu kekrütaya.

¹⁸Meda di kengukemvü whekewamia, tsiu kemeda die kepumia mhasikemomia zo.

¹⁹Die kekra kepura kephouma ba motaya mo, derei puotie kethelieyakezhamia-e mhakesimia zo.

²⁰Kemiathomia meüe rakachü kevipfü mhie, kerüzhümia noue puoma keduoyo zo.

²¹Kemiathomia tie-e mia kekra va chüshüya, derei mhasikemomia u mhasimhale kejü la siataya.

²²Jihova thejae mhachü penyishüya, mu puoe thenoukesuo se süu sashüya mo.[11]

²³Mhasikemomia la mha kesuo kechüe rüzhü puo kemhie zo, derei puocapuola kesimiae mhasi puo neiya.

²⁴Kerüzhümia-e prei kebau puo gei vortuo, derei kemiathomia mengu kebau chüpie puo tsütuo.

²⁵Tei rükrierükhrie voketa tuoi, kerüzhüu ba sa motatuo, derei kemiathomia-e kechachie la puo bodepie bate.

²⁶Kekhro pie u hu gei keshü mu mikhu u mhi nu kele tuoi, kemecümiae puo niepuu la sütuoi zo.

²⁷Jihova khrü kepreimia rhei chalietuo, derei kerüzhümia teicieko chü pedzüwatuo.

²⁸Kemiathomia kemerüu thenoukemvü pie puo thela chütuo, derei kerüzhümia merüketuou jütatuo.

²⁹Kemezhü cha nu tuoyakezhamia la we Jihovae u kekuou zo, derei mha kesuo chüyakezhamia ki we kepeka vortuo.

³⁰Kemiathomia mhakipuorei bie kediwalie lho, derei kerüzhümia kijü nu lhoulie lho.

³¹Kemiathomia tie nunu mhasi parya, derei kemiakokecümia meü dathewatuo.

³²Kemiathomia tie-e mha kiu lielie vi shikecü siya, derei kerüzhümia me-e kesuokechü die parya.