Read Angami Naga Mhasidie 16 Bible Online

Mhasidie 16 - Angami Naga bible

Mhasidie 16

¹U nou se mharhükecü themia gei ba, derei u meü se mia die kelakecü Jihova kinu vorya.

²Mia puoe puo mhi ki puo thuo puoü mesa übaya, derei Jihovae süko shükesie mehoya.

³N mhathoko khapie Jihova ki shülie, sitse n nou keleko chülietuo.

⁴Jihova mhachükeshü pete puoca nyi di chüshü, themia kerüzhüko zorei kemezhieketuo teisozha puo ba.

⁵Jihovae kerüzhayakezha kehoupuorei rütseya; si touliecie, puo bu siazha chü motalie lho.

⁶Ngukemezhie mu kemiatho üse kejokemou chü kemesalieya, mu themia Jihova khrüpreikelie geinu mha kesuo therhielieya.

⁷Seyie puoe Jihova nei chükelie ki, puoe puo ngumvümia chüpie puo ze kezevilieya.

⁸Mha huoyo dietho di se kebae miatho mo di mha kekra se keba ki vikuo.

⁹Themia noue puo cha rhü baya, derei Jihovae puo phichako thashüya.

¹⁰Mha kevi pepilieyakezhae kedimia tie nu baya, puo tie-e dienya kecükecü ki jotaya mo.

¹¹Roshükhou puotoukecüe Jihova vie, likhuo nu kemejütsieko pete-e puo mhatho zo.

¹²Kekuokesemia mha kesuo kechüe kerütse zo, kekreilamonyü kemiatho geinu kedibau sedekelie la.

¹³Kedimiae kemiatho tie u neiya, mu ukoe die puotou pushüyakezhamia khrieya.

¹⁴Kediu nouyie sü kesia dieliemia puo zo, derei mhakesimia süu chü kemenewaya.

¹⁵Kediu puo dzüzie keba gei kerhei ba, mu puo keneie bayie teirü kemhie zo.

¹⁶Suna kirei mhasi ngukelie kide vikuo shi! rakachü mo di mhacamhala sikelie kedakelie vikuo zo.

¹⁷Kemezhümia chapfüchaü sü mha kesuo therhiekelieu, puocha rüguo se tuokeliemia puo kelhou pekru se balietuo.

¹⁸Kepeka mhodzü kemiakokecü sierya, mu tetsuketa mhodzü kemelhakecü sierya.

¹⁹Mhakejümia ze di u nou rünuo kebau we, kemiakokecümia ze mha vakelie kezalieyakezhau ki vikuo.

²⁰Mia die rünyülietuoü u khashülieyakezhamia vi kehielietuo, mu Jihova pele kebamia u nei baya.

²¹U nou mhakesimia üse kemenuomia üya, mu die kevi kepumia mhasi miemielieya.

²²Mhasi u gei ketuomia sü kerhei dzüluo dzükhou puo mhie zo. derei kerhanyakecü sü kemelomia siazha zo.

²³Mhakesimia meloue puo diepuko se menuolieya, mu mhasi pie ba salieya.

²⁴U kenei diekoe mepfhida dzü tuoi zo, u ruopfü la mou mu umo la keshürho.

²⁵Lakipuo cha puo mezhükecü mhie zhüya, derei cha süu thelaue kesia nu kevo cha zo.

²⁶Puo me kevi la mhachümhalieya, puo va kemerüe süu chükeshürheishüya.

²⁷Kerüzhümia mha kesuo thieya, mu puo diepue u thekecü mi mhie zo.

²⁸Kerüpfhimia kegeitsia prushüya, mu mia nupuyakezhamia khrietho chü khoshüya.

²⁹Mia kemvü chüyakezhamia, puo zanuomia shüta ze cha vi kemo nu voshüya.

³⁰Themia kemhipfiyakezhamia mha rhi kemo rhüya, puoe puo tie wewe di mha kesuo se vorya.

³¹Tsüpoue thetshe tsüla puo zo, süu kemiatho kelhou nunu ngulieya.

³²U nouchakecümia kekuomia ki rei vikuo, mu puo thuo puo kekhakeliemia nadi kekhakelie ki vikuo.

³³Dape shüte, derei mha pepishüketuoe Jihova rübei zo.