Read Angami Naga Mhasidie 27 Bible Online

Mhasidie 27 - Angami Naga bible

Mhasidie 27

¹Sodu la kemelha hie, kekreilamonyü teisozha puoe kedipuo se vortie shi no sikemo la.

²Kekreimia bu n tshelie, n tie bu hie, kekreimia bulie, mu n thuo n tie buta hie.

³Ketsie-e mesi tsiu theshünyoe puo mesi nyi phi, derei mhasikemomia nouyie-e sünie ki rei mesikuo.

⁴Noupfhüe puo zho suo, mu nouyie-e kemerie; derei supuonie mia ngu u rokecü mhodzü thalie ta?

⁵Mhotsou kerhiekecüe pekhre di mia khriekecü ki vikuo.

⁶Khriethomia puo geinu rüzapfülie zorei puo pelelie vi zo; derei ngumvümia mia mebokeshüe mha sekedokecü zo.

⁷Pevü kebamia mepfhidzü da zorei cü nyüya mo, derei merü kebamia la mha kepfhü pete rei moutaya.

⁸Puo kikru khawa di rühoutuoketamiae, pera puo kru khawa di rühoutuoketayo mhie zo.

⁹Tier mu mharekethengue thenou chü pemvüshüya, u nou khashü di mia tahitarhokeshü khrietho kevi puoe sü mhie zo.[32]

¹⁰N khriethomia mu n puo khriethomia khawa hiecie; mu no kemezhiekelie nhie n siezedzürie kinu vo hie. Kekreilamonyü n zanuomia n penuo kebau, n siezedzürie kepetse nu ketuou ki vikuokecü la.

¹¹A nuo mhasiliecie, di a nou chü pemvüshücie, sitse a a peseyakezhamia die kelalietuo.

¹²Themia kemenuomia-e kemichie vorkezhü ngu di puo thuo puo kereilieya; derei mhaleyakemomia tuo zo phi di kemezhielieya.

¹³Sikemomia puo zhapu chükeshüu pfhenei pieliecie, mu rüsorünamia puo la puo die phrakeshüu die theze se baliecie.

¹⁴Mia puo khise sie zilie, mu shiekhoui zo di japie puo zanuomia tsükeshüe, luu la rüsetatuo.

¹⁵Sezuo ki teirü, mu thenu pfhükekuopfü unie-e kemhie zo.

¹⁶Hapfü kekhakecüe teikhrie kekhakecü mhie; morei puo dzie puo zatsa nu tier thezetuoü ketha mhie zo.

¹⁷Thegi pie thegi kerülieya, sütuoi mia puoe puo zemia kelhou kerüshüya.

¹⁸Chiedebo theke menuo kebamia süu sei riecütuo, mu puo Jihova pfhe bakeliemia therhu pfülietuo.

¹⁹Dzü nunu uzie nguliekezha tuoi, themia-u meloue themiau thashüya.

²⁰Mizie mu kepeka chüu mhakipuorei tshulieya mo, sütuoi themia mhi rei mhangu puo ketshu chülieya mo.

²¹Gali-e rakachü la, mu miüe suna la, mu mia puoe puo ketshe geinu puo silieya.

²²Mhanuü noe ciekhe nunu kemie pie telha sa mhasikemo-u thushü zo rei, mhasikemoe puo geinu jütalie lho.

²³N rhiechü n kuoko dze siliecie, mu n kuoko meho menuolie;

²⁴Kekreilamonyü kinyi-e kechachie baya mo; mu keditsüre-e thephou pete gei voya mo?

²⁵Nhako jüketa ki, nha kesa the la parya, mu kijüthou gei nhako re kengulieya,

²⁶Tekuonuoe u bu puomie se u pfhenei chülieketuo khashütuo, mu temvüe n lie mau la,

²⁷Mu temvü nudzüe n kecüca la, n kinu kecüca la, mu n kituopfüko kese la n ketshukelhuo ngulietuo.