Read Angami Naga Mhasidie 9 Bible Online

Mhasidie 9 - Angami Naga bible

Mhasidie 9

¹Mhasi-e puo thuo puo ki chüliete, puoe puo kico thenieko pesieliete.

²Puoe puo khurinuoko dukhrilie, puo khubezu pie kereilie, puoe mizhü rei sa keseliete.

³Puoe nadi nu thechü kerükrieko geinu pheshie mia kieketuo la puo kituopfüko ketseshüte,

⁴Sidi sie, “Mhale tsokemomia kehoupuorei, rürei hatsa vorliecie!” mu mhasimhale kejüu ki puoe sie,

⁵“Vor di a niekhrüda cülie mu a kereipie keba khubezu krieliecie,

⁶Mhale tsokemo[8] zhoko khawa, di lhoulie, mu kesikele cha nu tuoliecie” isi.

⁷Mhakrenyükecümia pethakecü mia krenyü dzülieya, mu kelhiecümia pethakeshü ki rüzapfülieya.

⁸Mhakrenyüyakezhamia petha liro, puo n ngumecütatuo; mhakesimia pethashülie sitse puo n khrielietuo.

⁹Mhakesimia puo pethashücie, sitse puo mhasikuolietuo; kemiathomia puo pethashücie; sitse puo mhasi kechülietuo.

¹⁰Jihova khrükeprei-e mhasi bode, mu Kemesau sikelie-e mhasi kesou-u zo.

¹¹Kekreilamonyü a geinu n teisozhako chü pekrashütuo, mu no rheichalietuo.

¹²Noe mhasi üro, mhasi süu n la kevi zo; mu no mia rünyü mota liro, n thuo kemezhielietuo.

¹³Thenu mhasikemopfüe puo die petoya; puo mhasi jü mu thenga siya mo.

¹⁴Puoe kikha khie ki ba; rüna nu thechü kerükrieko gei ba di,

¹⁵Puoe themia rüverüvü chü u thuo u chau nu vokezhümia kie di,

¹⁶“Themia kehoupuorei mhasikemomia, puo bu rürei hatsa vorliecie” ibaya, mu mhasikemoko ki puoe sie,

¹⁷“Rügukelie dzüe moukeze zo, mu pekhre di niekhrüda cükecüe ketheguo,” iya.

¹⁸Derei puoe kesia[9] sünu ba ükecü mu puo sokoe Sheol kesouko nu bata ükecü siya mo.