Read Angami Naga Pethakeshüu 11 Bible Online

Pethakeshüu 11 - Angami Naga bible

Pethakeshüu 11

¹N niekhrüda pie dzü nu shücie, teisozha kekra sie süu no ngulietuocü la.

²N vie kezapie thenie morei thetha chü ba; kekreilamonyü ketsopfhü kicükipuo kijüu gei vortuo shikecü si mo.

³Kimhouko tshupfü ketuo ki, teirü la pie kijü nu shüya, mu mhanuü seibo puoe te pekhrotsa morei pesotsa tsu rei, kirapuo tetsu shi sünu zhütatuo.

⁴Teikhrie dze mehoyakezhamia tsia prulie lho; tsiu kimhou dze leyakezhamia lie relie lho.

⁵No keha kikemhie di nuo meziepfü kebapfü va nu theruko gei vorlieya shikecü silieya kemo tuoi, sütuoi Ukepenuopfü mha pete chükeshüu mhathoko no silie lho.

⁶Khise gei tsia prushülie, tsiu thevatie n dzie bu kechazie bata hie, kekreilamonyü no kiu vilie tuo shi, hau tuo mo luutuo shi, morei kenienie vi kemhielietuo shi si mo.

⁷Kezieue vi, tsiu n mhi bu niaki mehokecü sü mha u kenei puo

⁸Mhanuüu mia puoe teicie kekra lhoulie ro, puo bu süko nu puo neiliecie; derei puo bu teisozha kezeiko rükrashücie, süko krakuo batuocü la. Mha voryakecü pete kemethuo zo.

⁹Harie, khriesau n khriesa ki n neiliecie, tsiu n khriesa teiki n nou bu n chüpie puo neilie, n nou keleu tsiu n mhi kenguu se lhoulie. Derei Ukepenuopfüe mha hako pete geinu nie dienyakecü ketuo nie siliecie.

¹⁰Süla n melou nunu thenoukesuo whuowalie, tsiu n mo geinu kechüu chüwalie; kekreilamonyü nhicu tsiu khriesa sü kemethuo zo.