Read Angami Naga Pethakeshüu 6 Bible Online

Pethakeshüu 6 - Angami Naga bible

Pethakeshüu 6

¹Ae niaki khro mha kesuo puo ngu, mu süu themianuo pie kemesi puo;

²Kepenuopfüe kinyi, mhanya tsiu therhu pie mia puo tsüshüya, sikecü la puoe puo puo menguko puo rei tso moketa jü, sishierei Kepenuopfü puo bu süu se puo neikelie kekuo pie puo tsü mota, derei kekreimia bu süu se puo neilieya. Hauha kemethuo zo, süue mha kesuo se puo.

³Mhanuü mia puoe nuo krie puo penuolie, sidi teicie kekra lhoulie, süla puo teicieko teisozha kekrata, derei puoe puo kelhou nu mha keviko se puo neilie mota, tsiu puo kekhrunyie rei kese mo liro; a kepue hau, nuo sia di penuokelieu süu ki vikuo.

⁴Kekreilamonyü puoe kemethuo nu vor tsiu zeibouikecü nu la votaya mu kezeiu nunu thezau keviewaya.

⁵Sizomoü puoe niaki rei ngu mo, morei mhapuorei si mo; hau we kekreiu ki kerülei bakuo.

⁶Puoe teicie nyie puo va kenie pukeshü de puo lhoulie zoü rei, mha kevi puorei ngulie mo; uko peteko rei thechü puo nu vo phreya moü me?

⁷Themia mhathomhachüko pete rei puo me la zo, sishierei puo me kelheu tshulieya mo.

⁸Kekreilamonyü mhakesimiae mhasikemomia ki kedipuo ba kra ga? Mu kerheimia mhodzü tuo voketuo si se keba kejümia kedipuo ba ga?

⁹Mha mehoumengu di mha pete le kebau ki n mhi kenguko vikuo; hau rei kemethuo zo tsiu teikhrie whuoketuo puo zo.[12]

¹⁰Mhakehoupuorei tuoketako za thoshüwate, tsiu themiae kedipuo shikecü rei si ba, morei puoe puo ki zhakuokecüu ze keperhielie kenjükecü rei,

¹¹Die krakuo mu kemethuo rei krakuo, siro mia puoe kedipuo nu vikuo ga?

¹²Themia ha teisozha huoyo lhoukecü, mhakhrü puo kemhie puoe votayakezha kelhou kedipuo vi shikecü supuonie si ba ga? Supuonie mia puo ki hasie niaki khro kedipuo kemhietuo shikecü pushülie vi ga?