Read Angami Naga Pethakeshüu 7 Bible Online

Pethakeshüu 7 - Angami Naga bible

Pethakeshüu 7

¹Theza kevi-e tier puoma kere ki vikuo; mu kesia nhie kepenuo nhie ki vikuo.

²Thehethehie kinu kevo ki thekrü chü keba kinu kevo vikuo, kekreilamonyü süusü themia peteko la thelau zo, tsiu kerheimia süu pie u melou ki shüse tuotatuo.

³Thenou kesuoe kenyü ki vikuo, kekreilamonyü uzie bu puo nou suokeshü geinu u meloue puo neilieya.

⁴Mhakesimia noue thekrü kechü kinu baya, derei mhasikemomia noue keyukenyü chü kebamia kinu baya.

⁵Mia puoe mhasikemomia tsali rünyükecüu ki, mhakesimia u kerhiekeshü pfhe kerünyü we vikuo.

⁶Kekreilamonyü gali khro zohu pro priepriekeshü tuoi, mhasikemomia kenyü rei sümhie zo; hau rei kemethuo zo.

⁷Mha pesekecüe mhakesimia chü penyawaya ketho zo, tsiu thesoe u nou bie kerülhiwaya.

⁸Mha therieu ki puo thelau vikuo, tsiu u nou shügeshühiekecüe unou kemiakokecü ki vikuo.

⁹N noumeyie mhaita hie, kekreilamonyü nouyie-e mhasikemomia merü nu baya.

¹⁰“Kiüdi teisozha kerieko ha ki vikuo ga?” sikecü pu hie, kekreilamonyü no hau mhasi geinu ketso mokecü la.

¹¹Mhasi-e vipie kayie mhie zo, tsiu niaki nguyakezhako puo kemevi la.

¹²Kekreilamonyü mhasi rüguokelie-e raka rüguokelie mhie zo, tsiu kesikele kevi sü mhasi-e kerhei khapie puo gei kebamia tsüya.

¹³Ukepenuopfü mhathoko dze leshücie; supuonie puo bie kerüwikewau bie kemezhülie vi ga?

¹⁴Mhanyikelie nhie u neilie, tsiu kemezhiekelie nhie mhaleliecie, Kepenuopfü sünie chü phreshü zo, themia bu puo sie mhapuorei ngulie lhoükecü la.

¹⁵A kelhou nu mha hako pete nguwate; kemiathomia puo kemiatho nunu kaketa, tsiu kerüzhümia puo kerüzhü nunu lhou chakelie.

¹⁶No n thuo n üse miatho phi üta hie, morei n thuo n üse mhasi phi üta hie, kiüdi n thuo n pekawatuo ga?

¹⁷No lhou rüzhüthorta hie, morei mhasikemomia chüta hie; kiüdi n teiu mhodzü siatatieya ga?

¹⁸No hau thezelie tse vituo, tsiu kekreiu nunu n dzie teshü seta hie, kekreilamonyü Kepenuopfü preiyakezhamia sünie kenienie nunu vi kehielietuo.

¹⁹Nadi kezhamia ker kirei mhasi-e kekuo kha mhakesimia tsüya.

²⁰Ketho zo kijü nu miapuorei miatho zo vo phouma motokecü ba mo zo di mha kevi chükecü ba mo zo.

²¹Siro mia die pu pete pele hiecie; n kituomia n rüsekecü rünyülie rei silie lho mu.

²²No va kekra mia rüsetayakecü n nou si ba zo.

²³A mhasi se mha hako pete dojüwate; a sie, “A mhasilietuo” si; derei süu a kinu pecieta.

²⁴Mha kepecie nu ketuou, tsiu sou mu sou sekecüu, supuonie pfhüse parlie vi ga?

²⁵A a nou kereipie silietuoü mu pfhüse partuoü tsiu mhasi pfhütuoü, mu puocapuola silietuoü sie zo, tsiu mhasikemo puo kesuo dze, tsiu mhalekemo süusü kenya mhathoko silietuoü sie.

²⁶Tsiu a thenumia kebie mhie zocüpfü puo melou kebie mu jal mhie, puo dzie kero mhiekecüpfüe kesia kirei suokuokecü ngulie; Ukepenuopfü nei chüyakecümia hapfü dzie nunu talietuo; derei kephoumamia hapfü bu u teshülietuo.

²⁷Harie, a hau nguliete, Pethakeshüu[13] sidi puya, mhacamhala silietuoü mhapuo pie kekreiu sashüshü vo.

²⁸a noue süu pfhü mu pfhü la zo, derei a süu ngulie mo. Mia nyie puo donu thepfumia puo a ngulie, derei süko donu thenumia puorei ngulie mo.

²⁹Harie, mha hau rübei a silie, süusü Ukepenuopfü themia chü kemezhüshü zo, derei ukoe mharhü kekra pfhüse parte.