Read Angami Naga Pethakeshüu 8 Bible Online

Pethakeshüu 8 - Angami Naga bible

Pethakeshüu 8

¹Supuonie mhakesiu mhie ga? Supuonie mhaca vatshakeshü silieya ga? Mhasi-e mia puo zie bu ziekruoi tuoya, tsiu puo dzükezei zieu chü pekreiwatuo.

²Kediu diekhakeshü zelie[14], no phrakeshü mhie di,

³Michieta hie puo mhodzünu nu talie, mha huo puotou moketa ki, n ketheta hie, kekreilamonyü puoe puo thuo puo nei puo medo chüya.

⁴Kediu die kebara sünu kekuo baya; mu supuonie puo ki, “No kedipuo chüya?” isilie vi ga?

⁵Themia kehoupuorei die khakeshüko chüüzeyakezhamia mha kesuo ngulie lho; tsiu mhakesimia noue puo tei tsiu puocapuola silieya.

⁶Themia mezhie-e puo gei kra zoürei, mhakehoupuorei puo la rei puo thuo puo tei puo mu puo zho puo nyi phre.

⁷Kekreilamonyü puoe hasie kiütuo shi siya mo, kekreilamonyü supuonie puo ki süu kedikechükipuo tuo shi pushülie vi ga?

⁸Miapuorei teikhrie[15] se balietuoü puo kekuo ba mo; morei kesia teisozha mho puo kekuo ba mo; terhü kegeikecü nu talie kenjü morei mha kesuoe kesuomia kelashülie lho.

⁹Mha hako pete ae ngushü, sidi niaki khro mhatho peteko nu a nou khashü; mia puo kekreimia puo mho kekhakecü ki süu bu kemezhiekelie tei nyi.

¹⁰Süsie ae kerüzhümia khrukewa ngu, ukoe kemesachü nu pra mu letuo, tsiu ukoe mha sükemhiekecü chükeshü nadiu nu mia uko tshe vor; hau rei kemethuo zo.

¹¹Kekreilamonyü mhatho kesuo la die pepikeshüu chü mhailieya mo, süla themia nuonuo noue mha kesuo chütuoü dojü se tuo zo.

¹²Kephoumamia mha kesuo va thekrie-e chü zorei puoe rhei pechalieya, sirei Ukepenuopfü preiyakezhamia vilieketuo ae si, kekreilamonyü ukoe puo khrüpreilie;

¹³derei kerüzhümia vilie lho, morei puo teisozhako mhakhrü puo tuoi ba chalie lho, kekreilamonyü ukoe Ukepenuopfü khrü prei di lhou mo.

¹⁴Kijüu nu mha kemethuo zokecü puo chüya, kemiathomia pie kerüzhümia mhatho kemhie di unyiekecü, tsiu kerüzhümia pie kemiathomia mhatho kemhie u nyiekecü; hau rei kemethuo zokecü a puya.

¹⁵Süla ae u menguko chükelie üse viüya, niaki khro cü mu krie di u nei keba ha mha kekrei pete ki vikuo, kekreilamonyü Ukepenuopfü pie uko ketsü niakiu khro u mezhie teiko zorei hau u zetuolietuo.

¹⁶Ae a nou se mhasi silietuoü, tsiu kijüu gei mereiko mehotuoü sie, mia puo mhi-e khinhie morei theva ze kezhü nguya mo zorei.

¹⁷Süsie a Ukepenuopfü mhatho peteko ngushü, süusü themiae niakiu khro mhatho chükeshüko pfhü hulie kenjü sizomonyü mia puoe süu silietuoü pfhü sie zorei, puoe pfhülie kenjü, mhakesimia puo süu silietuoü le zo rei, puoe süu pfhülie kenjü.