Read Angami Naga Solomon Üzo 2 Bible Online

Solomon Üzo 2 - Angami Naga bible

Solomon Üzo 2

¹Ae Sharon nyiepou,[1] tsiu razha nu terhuobiepou zo.

²A khrieu rüüko donu bakecü terhuobiepoue, zohu donu keba mhie zo.

³A khrieu sü khriesako donu bakecü ciephosi-e ketsa donu keba mhie zo. A nei siei di puo khrükhro baya, mu puo si-e a me nu cü vi.

⁴Puoe a ze thehe chükeba ki nu vor, mu puoe kekhrie se a gei shü.

⁵Khubesi pesokewa pie a chüpekuoshücie, ciephosi pie a chü perhoshücie; a kekhrie mengu di mezie batacü la.

⁶Puo dzie puo vitsa a tsü khro ba ütse, tsiu puo dzie puo zatsae a ciepie ba.

⁷Ae kethelou morei kechüzhie di n ki pu beiya, he-i Jerusalem nuopfüko: Kekhrieu kebvü morei kesouwa hie puo dojülie kemochie.

⁸A khrieu pfheü! Harie, puoe kijüthouko gei prou tsuryie, kijükhruko gei rülhou tsuryie.

⁹A khrieu sü thelou morei tekhra nuonuo kemhie zo. Harie, puoe uko dahou sie ki tha, khirki nunu meho tha, sei rhitho dorü donunu meho tha.

¹⁰A khrieu sü diepu di sie a ki, “Sieliecie, a khriepfü, kezivipfü, sidi vortacie;

¹¹kekreilamonyü harie, teisei teiu tseite, teirüu rüwate mu vote.

¹²Nyiepouko kijüu gei ngu par bate; perako ruoshüyakezha teiu vorte, siro u kijü nu mekhruu keruo pfhe sibate.

¹³Chiedebo gei puo nyü thepar bate, siro khubebo puopou poupar bate; ukoe puore thengukreipfübate. Sieliecie, a khriepfü, kezivipfü, sidi vortacie.

¹⁴He-i a mekhruu, tsiekrie donu bayakezhau, tsiekrie bu puo whepfükebau, a bu n zie mehoshüthie, a bu n pfhe rünyüshüthie, n pfhe rünyü vilie, siro n zie rei zivilie.

¹⁵Meseruko, meseru nuonuoko, khube lie, bie pesuowayakezhako tewalie, hie khubeko pou batacü la” siya.

¹⁶A khrieu sü a vie, a rei puo vie; puoe terhuobiepou donu puo kuoko vachüya.

¹⁷Teiso pi parlie, tsiu teigei khrüu vota kemochie, rürei vorlie, a kekhrieu, sidi no thelou morei tekhra Bether kijüthou gei ketuo tuoiliecie.