Read Angami Naga Solomon Üzo 3 Bible Online

Solomon Üzo 3 - Angami Naga bible

Solomon Üzo 3

¹Theva gei a zhü geinu a khrieyakezhau pfhü, a puo pfhü, derei puo ngulie mo, a puo kie, derei puo a pfhekho mo.

²“A tsie sielie di nadi nu chapfü chaüko nu, mu cha kemeyako nu vo a khrieyakezhau pfhütuo.” A puo pfhü, derei puo ngulie mota.

³Nadi nu whi tuoyakezha rükhouko a ngulie. A süko ki, “Niekoe a puo khrieyakezhau ngu me?” sishü.

⁴A uko pfüthe voketa chakemo nu, ae puo khrieyakezhau ngulieta. A puo teshülie, tsiu a puo ze a zuo kinu, mu puo a meziepfükelie kibou nu vorlie kemochie puo bu tuo mvüta.

⁵Ae thelou morei chüzhie zanu n ki pu beiya, he-i Jerusalem nuopfüko, kekhrieu kebvü morei puo kesouwa hie, puo dojülie kemochie!

⁶Rayha nunu mikhu co tuoi, mür mu mharekethengu se puore chü, lhithomia dzie nu ketuo mharekethengu pete se puore chü kethengu se di, par kezhüu kedipuo ga?

⁷Harie, süue Solomon kepie bara! Puo khieki kekuomia mia hiesorouethetha, sükoe Israel nu kekuomia.

⁸Süko pete-e zhiecha theze se tsiu terhü miavimia phre, theva gei kemichie la pete rei u do gei u zhiecha khepfü bacü la.

⁹Kediu Solomon-e puo thuo puo la Lebanon nu sei üse mhapiera chülie.

¹⁰Puoe rakachü pie süko coko chülie, puo khrotsa suna, puo bako kewhe meriemegekecü, mu kekhrie se puo noukou da. Jerusalem nuopfüko,

¹¹Tuo praliecie. He-i Jerusalem nuopfüko, mehoshücie, kediu Solomon, puo tsüla, puo zuoe puo thenu kelie nhie chükeshüu, puo nou puo neikecü nhie chükeshüu mehoshücie.