Read Angami Naga Solomon Üzo 6 Bible Online

Solomon Üzo 6 - Angami Naga bible

Solomon Üzo 6

¹N khrieu kirapuo vota di, he-i no thenuko donu kezivithopfü? N khrieu rürei kirapuo vota mu? Hie rei n ze puo pfhütuolie!

²A khrieu puo zie nu tsute, mharekethengu kezhü nu, tezie nu puo kuoko vachütuoü tsiu terhuobiepouko biekengutuoü di tuote.

³A a khrieu vie, tsiu a khrieu rei a vie; puoe terhuobiepou donu puo kuoko vachüya.

⁴A khrieu, noe Tirza kemhie zivilie, Jerusalem mhiei u nei, chüpahimia pfhelha seketuo tuoi kemerie zolie.

⁵A kinu n mhi kereiliecie, kekreilamonyü ukoe a penyüliete. N thae Gilid nu temvü kro puo kerkezhü mhie.

⁶N hue tekuonuonuo dzürüluwa di praketa mhie, süko pete nuobi penuolie, siro süko donu nuojü puorei jü.

⁷N dzoe n ziekeya khro turaü si mhie zo.

⁸Sünu kedimiapfü hiesorou, tsiu pelipfümia hiethetha ba, siro rüüphouse phrü hulie kelho ba.

⁹A mekhru vitseikecüpfü puo rübei zo, puo zuo geinu penuo kevor puo kerhu jü, puo khriepfü. Rüünuoko puo ngushü, di uko puoü thejakepfüpfü üshü, kedimiapfüko tsiu pelipfüko rei puo tshe phre.

¹⁰“Puo kengu khise kemhie, khrü mhie zivi, niaki mhie mesampou, siro chüpahimia pfhelha se kemerie chüketuo mhiekecüpfü ha supuo dimu?”

¹¹Ae thezhüsi zie nu, razha nu nhasi vü ba mo mo shi, siro turaü pou bata mo mo shikecü mehotuoü tsu.

¹²A letuo kemo nu a ruopfüe a chüpie a bu a kedinuou guragari kemhieta.

¹³Larluo, larluo, he-i Shulampfü. Larluo, larluo, sidi hie bu n mehoshüyi. Kiüdi nieko chüpahi kro kenie donu nashüketuo[2] meho kezha chü Shulampfü mehoya ga?