Read Angami Naga Solomon Üzo 7 Bible Online

Solomon Üzo 7 - Angami Naga bible

Solomon Üzo 7

¹N phikou pfüketuo kide zivi shi! he-i kedimia nuopfü. N donie-e ketsie puoma kere tuoi, mhachükesimia mhatho tuoi zo.

²N luoe tehie kemetou khubezu kereikecü jütayakemo tuoi zo. N vadi-e thoulha pfhükengu pie terhuobiepou sakeba tuoi zo.

³N merüe chüzhie nuonuo kenie, nuobikecü mhie zo.

⁴N voe tsoke pie kechü tsiepfhe tuoi. N mhi nie-e Bath-rabim kharu ki Heshbon nu rüzie tuoi. N nyhücae Lebanon nu tsiepfhe Damaska ze kepetsou kebau mhie zo.

⁵N tsü gei keditsüreu Karmel tuoi, siro n tsüthae meriemegekecü tuoi; süu kediu ketsipie bataya.

⁶No ha kidepuo rei zivi mu u nei shi! he-i kekhriepfü, u noukemvüpfü!

⁷N kelhoue[3] kukuobopfü tuoi zo, tsiu n merüe khube phro tuoi zo.

⁸Ae sie, “A kukuobopfü melisie di puo co teshülietuo” iya. He-i, n nu bu khube phro tuoitacie, tsiu n thesü bu ciephosi re tuoiliecie.

⁹No mia mebokecüe[4] khubezu kevithopfü tuoi moukeze-i tsutaya,[5] mia me mia tie bu u neilieya.[6]

¹⁰Ae a khrieu vie, tsiu puo menguu a gei ba.

¹¹Vorlie a khrieu, avu keze lieko nu tsu; di rüna nunu rüleilie khe.

¹²Avu khiserüna sielie di khubelieko nu tsu khe, avu khube lhoulie zhü mo mo shi, tsiu khube poupar zhü mo mo shi, siro turaü pou parzhü mo mo shi meho khe, sünunu a kekhrie pie n tsütuo.

¹³Nuolhouprü puore kevi khashü, tsiu hieko kikhako nu nhasi u kenei doneiünei baya, siro kesa rei kewe rei, a sükoü n tsütuoü khapie zhüte, he-i a khrieu.