Read Angami Naga Isaya 12 Bible Online

Isaya 12 - Angami Naga bible

Isaya 12

¹Noe sünhiesü putuo: He-i Jihova, a n thezietuo, noe a gei n noumeyieta zoürei, n nouyieu kediwate, sidi a nou thupeluoshüketa la.

²Ukepenuopfü sü a kelakelieu ketho zo; a pele zotuo, mu michielie lho, Jihova Ukepenuopfüe a kekuo mu a kemeteiu zo; puoe a kelakelieu chülietuo.

³N nei di kelakelie dzükhou nunu dzü ütuo.

⁴Mu no sünhie haicü putuo: Kethezie pie Jihova tsücie, puo za kieshülie; seyieko donu puo mhathoko pesishülie; puo za chü kerükriewataücü pesishülie.

⁵Ketshe tsali chüpie Jihova ki shülie, puoe mhachü pevithorkeshü la; hau pie kijü pete bu siliecie.[14]

⁶Shielie mu nie nei di kelilie, he-i Zion nu kelhouko, Israelko Kemesau nie donu zha phi zocü la.