Read Angami Naga Isaya 16 Bible Online

Isaya 16 - Angami Naga bible

Isaya 16

¹Sela nunu, kijükesia chau ze di, uko bu tekuonuo ketsepie Zion nuopfü kijüthouu gei rüna peyuu ki shücie.

²Moab nuopfüko sü Arnon dzü ciekepfüko nu pera shüphra keba mhie zo, pera nuonuo kezakezi ketuo mhie zotuo.

³“Mharhükesi khashücie; kethoca khashücie, Khinhieluo ki n khrüu chüpie theva tuoi zolie; mia thikewako kevielie, ta ketuoko teshü hie;

⁴Moabmia thikewako bu nie donu lhoulie; kepekau kinu uko keyau chüliecie.” Mia pesekecüu tuo mota tse, mu kepeka sa mota tse, tsiu mha pekayakezhamia kijü nu ba mota tse,

⁵Kekhrie ketho nunu kediba puo David pfhekiu nunu chülietuo, mu sügei kedietho nu ke batuo, kethocau pfhüketuo, mu mha puotouu chü mhaishüketuo, kedi puo batuo.

⁶Hie Moab kemiakokecü sishüte, puo kide ko shi! puo kemiavikecü, puo keko, mu puo mholieko; puo melhako kemeda phre.

⁷Süla Moab bu kralie, mia pete bu Moab la kralie. Kralie, u noumezhie ketho di kralie, Kir-hareset khubesi dako la.

⁸Heshbon lieko mezie zhüte, mu Sibma khubeboko rei sa, seyie kediko va puo puo coko la meze, süko vo Jazer tso di vazie zo kijükesia vo; puo nuotheko kra pezha se chazou dzükezha mho rei vo muru.

⁹Süla ae Sibma khubeboko la Jazer kekra ze kra; he-i Heshbon mu Eliale, a mhidzü pie n tsheshüzhie, nnie nhasi mu telha ngukelieko la shiekeshü jüte.

¹⁰Puosi vükelie lieu nunu kenei mu thenoukemvü sete; mu khubelie nu rei keli tuo mote, mhapfhe puorei tuo mote; miapuorei khubedzü kethebou nu the sa mote; khube lieyie pfheu pesikhuoite.

¹¹Süla übou puo tuoi Moab la a meloue mede bate, mu a ruopfüe Kir-heres la rei.

¹²Moab puo thuo vor rei, puo thuo thechü kerükrie geinu kemezhie rei, kecha chütuoü di kemesachüu nu vo rei, puo thalie lho.

¹³Hau Moab dze Jihovae pedzü pukeshü dieu.

¹⁴Derei tsie we Jihovae hakemhie puya, zhakhramia teicie kephrü zho nu, cie se donu, Moab sü puo themia thuo kra phi zorei; puo kezha pie zhase chüwatuo, mu rheikelieko tsa phi mu thachü phituo.