Read Angami Naga Isaya 18 Bible Online

Isaya 18 - Angami Naga bible

Isaya 18

¹Ce! Ethiopia[23], rüko tse kepratsa keba, puoshü pfhe vüvü chü keba kijü,

²Zohepfü pie kechü rou geinu Nail rü ze di dielie ketsekeshü! Volie, nie ta kevi dielieko, rükrie mu nguzükecü seyie puo ki vocie, lutsahatsa mia u prei, kuo mu mia penyükelie seyie puo, kerü bu u kijü pfüthekecü kro puo.

³Nie kijü nu lhou keba pete, nie kijüu gei bayakezhako, kijüthou gei zasi puo pesiekeshü ki, mehoshücie! Ketsü khoukeshü ki, rünyüshücie.

⁴Jihovae a ki hakemhie pukecü la: Ae niaki kele kemesa tuoi, lieyie ki kele nu thezei kimhou puo tuoi, kemekrie di a thuo a ba nunu meho batuo.

⁵Puosi kerie mhodzü puopou pouwa di, puopouue khubesi rüchü parlie tse, puoe zhiepfinuo pie puo nuotheko, mu puoco kra kezhüko tawatuo.

⁶Süko pete khapie kijüthou gei mha tekecü rako mu kijü ketuo nhachüko tsüwatuo. Sidi mha tekecü rakoe süko pie teile va chütuo, mu kijü ketuo nhachükoe teisei gei sünu batuo.

⁷Süki themia rükrie mu nguzükecüko, kepecie mu kepenuo nu mia u kepreiko, kuo mu mia penyükelie seyie puo, kerüko bu uko kijü pfüthecü puo kinu mha methuo vie se vor krodiko Jihova za thechüu, mu Zion kijüthouu geinu krodiko Jihova tsütuo.