Read Angami Naga Isaya 30 Bible Online

Isaya 30 - Angami Naga bible

Isaya 30

¹He-i, mia petsou keba nuonuoko, idi Jihova puya, ukoe thedo rhü baya, derei a do zeya mo; uko kekhrietho, derei a medo-u petsou di ya, sidi kephouma pie kephouma baya.

²Ukoe a medo rüsa mo di Ijipt nu tsu, Faro bu uko keya chütuoü, Ijipt khrükhro rüzhütuoü di.

³Süla Faro zhawheu nie la thenga chütatuo, mu Ijipt khrükhro rüzhükecüu nie kengakecü puo chütatuo.

⁴Puo kezhako thuo Zoan nu ba zorei puo dielieko thuo Hanes tsolieta zorei,

⁵kehoupuorei thenga chüta zotuo, uko la mha kemevi chüshülie kelho kro puo geinu, kemenga mu thenga sie kekhruohi morei kemevi se vorlie kelho kro puokecü la.

⁶Negeb nhachüko dze pu pesikeshü die, ukoe kinyi pie gada chie geinu pfü, mu uko kinyi pie ut chiethouu geinu se loshakrü mu meho keba loshachü, priele mu kepruo nyhüpfü, kelhou kijü kemezhiekecü mu kezie kijü pfüthe di kemevi chüshülie kelho themia kro puo ki vo.

⁷Ijipt kekhruohi sü puoma jü mu kemethuo, süla ae puo ki, “Rahab tsesei kebapfü” sishü.

⁸Tsie vo di tsiesie vorketuo teiu la kechachie zhapu puo chülieketuo la, uko mhodzünu nu tsiekra puo gei thushülie, mu pie leshüda puo nu thushülie.

⁹Ukoe mia kepetsou kro puokecü la, kecürü nuonuo, Jihova kepethadie rünyü nyü kemo nuonuo,

¹⁰siedzekenguko ki, “Ngu hie” si; siedzekesiko üse, “Hie ki siedzekesi die puotouu pu hiecie; hie ki rünyü kevi die pulie, mhakese siedzekesi dieko pulie,

¹¹chau khawalie, chau nunu puo tseitsa pralie; hieko bu Israel la kemesau dze rünyü sa hie” situo.

¹²Süla Israel kemesau hakemhie puya: Kekreilamonyü niekoe a dieu khawa, di mia kepese mu ketsügeikecü pele mu süko khre merüte,

¹³Süla kejo hau tsiepfhekro kerükrie puo rükota di, bvü par mu tetsuta nyünuo ba di va puo chü meketa mhietuo;

¹⁴Siro süu keme litho-u li kepro mhietuo, vaphrobawa di puo tsoko donu miyiekhou chülie kevi yopuo, morei dzübou nu pie dzü thoulie kevi yopuorei ngulie motatuo.

¹⁵Niepuu Jihova, Israel Kemesaue hakemhie puya: Rüreikelie mu rüleikelie nunu nie kelalietuo; sei-izei keba mu kepele pie nie kekuou chütuo. Derei nie mete,

¹⁶di sie, “Mo! hie gura geinu tatatuo,” si. Süla nie bu tatuo! mu “Hie gura ta kevi gei batuo” si. Süla nie kewhuoko bu rei ta vituo.

¹⁷Mia puo mia kechükeshü la mia nyie puo tatatuo, mia pengou nie kechükeshü nu nie tatuo, nie khapie kijüthou mezü puo gei pfhelhasei puo mhie, kijüthou puo gei zasi puo kemhie bawa kemochie.

¹⁸Süla Jihovae nie gei tseiüvishütuoü di pfhe ba; süla puoe sietatuo ngukemezhie pie nie kieshütuoü di. Jihova sü mezhükecü Ukepenuopfü puo zocü la; puo khremerü keba pete thejakepfümia zo.

¹⁹Ketho zo, he-i Zion nu themiako, Jerusalem nu kelhouko, nie kra salie lho. Nie meliekeshü pfheu nu puoe nie ngumezhie tou zotuo, puoe süu sikeshü ki puoe nie die kelashütuo.

²⁰Niepuu thuo ketsopfhü niekhrüda mu kemezhiekecü dzüu pie nie tsü zorei, nie Kepethau puo thuo puo kevie sa motatuo, derei nie mhi nie Kepethau ngutuo.

²¹Siro nie rürei thezatsa morei thevitsa vaketa ki, nie nyie-e nie sietsa nu “Chau hau ho, hanu tuolie” isi di kepu die puo situo.

²²Sitse nie rakachü pie zekecü terhuorhiko mu sunadzü pie thekecü terhuorhiko perhuwatuo. Noe süko pie mha mesa kemo üdi kelhouwatuo; noe uko ki, “Nie tuotalie,” situo.

²³Siro noe pie kijü nu prukeshü tsiau la puoe teirü khashütuo, mu kijü geinu ngukelie telha, vi mu kra pie n ketshukelhuo chütuo. Sünhie nie kiri-e puotuo razha nu nha cütuo,

²⁴mu ze liecieyakezha thudo mu gada bu nyopfhükhou mu charuo se chü kemesakewa tshüdi nu kezhü nha cütuo.

²⁵Siro mia dukhri sekecü teisozha nhie dahou kerükrieko teketsu ki kijüthou kerükrie pete gei mu kijükhru pete gei rücü dzü krutuo.

²⁶Jihovae puo themiako kechü pfü phakeshü nhie mu puo dzie biekewa rüzako chü kemenekeshü nhie khrüu kezie niaki kezie tuoitatuo, mu niaki kezie puo kezie de thenie tatuo.

²⁷Harie, Jihova zau sü kepetse nunu vorzhie, puo nouyie tu di khu rüdzi; puo neikemo bu puotie tshu, mu puo meü-e mha thewayakezha mi mhie di;

²⁸puo thesüue kerü dzü di sier u vo vakecü mhietuo, kepeka thouzo pie seyieko rüzotuo, mu themiako meco phalie di teshü u medo chü cha kemo nu votuo üdi.

²⁹Kemesa nyi puo nyikecü tuoi nie-e theva gei tsali puo chütuo; mu mia Jihova kijüthou gei, Israel tsiekrieu gei khotuoü di luoü khoukezhü mhiei nie nou nie neituo.

³⁰Siro Jihovae puo pfhe kemesüu pie pesishütuo mu puo nouyie mu mha thepejükecü miü puo geinu teikhrie khriedi mu prükekrü sa di puo bou mia vü tsurkecüu pengushütuo.

³¹Puoe puo seiro pie mia vükeshü ki, Asiriakoe Jihova pfhe si di michie kemerie chütuo.

³²Siro Jihova kepechü theu pie puo gei keshü ki übou mu kithar khou satuo; puo bou kege di puo uko ze kegeituo.

³³Thiedzütho nu kethe chü puo[37] chüpie zhüwatakecü la, uwe, kediu[38] la dojüpie bawate; kethe seipfhe süu shü mu meya, mi mu sei kekra sa; Jihova thesü thuo mitsie rü puo tuoi süu petushüya.