Read Angami Naga Isaya 47 Bible Online

Isaya 47 - Angami Naga bible

Isaya 47

¹He-i Babilon nuo rüüphousepfü, ker di nyophe nu balie! Chaldian nuopfü, kediba gei mo di kijü balie! N üse nuokhrienuozünuo üdi kie salie lhoketa la.

²Kegetsie pielie di thou gelie, nie zie keyau lhewalie, nie boulie kerütshuu rhuowalie, nie phica hielie, kerüko ciepfülie.

³Nie methuokecü ngutatuo, mu nie kemenga mia bu ngutuo. A a kheputuo, mu miapuorei lhieshülie lho.

⁴U Rhakelieu-krodiko Jihova sü puo za, Israelko Kemesau zo.

⁵Chaldian nuopfü, kemekrie balie, mu kezei nu volie! No üse kedibako niepupfü üdi kie salie lhoketa la.

⁶A a themiako gei a nei mote, a a kayie chü perhuwate; a uko khapie n dzie nu shüshü, no uko ngukemezhie mo; ketsako gei n vocie bie kemesi seshü.

⁷Noe sie, “A niepupfü chü sei batatuo” isi, sidi mhahako pie n nou shü mo morei uko thela dze rükra mo.

⁸Süla harie hau rünyüshücie, u nei u nyü kechü u neikezhapfü, n ba nu ba khrukhrepfü di n thuo n nou nu, “A zo, a sie miapuorei ba mo; a samipfü chü ba lho, morei nuo pesiakecü silie lho” iba.

⁹Mha hanie, khunhie va puo chü n gei vortuo: nuo pesiakewa mu sami chüketa n gei chü tsei vor zotuo, n themouko kra phi zorei, mu n meduoko zha phi shierei.

¹⁰No n mizhü nu khrukhrepfü di pukecü; “Miapuorei a ngu mo” iba. N mhasi mu n kesikele bu n chü kerütsilie, sidi n nou nu, “A zo, mu a sie miapuorei ba mo” iba.

¹¹Derei kesuou n gei vortuo, mu no süu chü pevilie kenjü; kepeka n gei vortuo, no süu khalie kenjü; tsiu kepeka n gei mhai vortuo, no si mo zocü puo.

¹²N khriesarüü nunu chü kemezhie kesier n meduoko, mu n themou neiüko nu tha kemeteishü phi, no kuolie mu mha kedelie thenyüsie ro.

¹³Mharhü n kiekeshü kekra bu n kemouzhie; teiko dze phrüyakecüko, themvüko phrü bayakezhako, mu khrülhou ki kedipuo n gei vortie shi di pushüyakecüko bu sielie di n kelaliecie.

¹⁴Harie, ukoe rügu mhie zo, mi uko the pejüwaya; mi kekuo nunu uko thuo uko shüphralie kenjü. Kepeguo mizhü mo, peguoketuo mi mo.

¹⁵N ze mhachü kemezhie kesierko, n khriesarüü nunu n ze thelhitheü chü kesierko hakemhie zotuo; u thuo cha u thetse nu vo phrete; miapuorei n kelashüketuo jü.