Read Angami Naga Isaya 62 Bible Online

Isaya 62 - Angami Naga bible

Isaya 62

¹Zion la a kemekrietalie lho, mu Jerusalem la a rüleitalie lho, puo mezhüu teiso tuoi zie parlie kemochie, mu puo kelakelieu mitu puo tuoi tu parlie kemochie.

²Seyiekoe n mezhüu ngulietuo, mu kedi pete n kesokezie ngutuo; mu theza kesa puo pie n kietuo, Jihova tie nunu khakeshü tuoi.

³Jihova dzie nu no kezivi tsüre puo chütuo, mu n Kepenuopfü dzie nu keditsüre puo chütuo.

⁴N üse Vakewapfüü salie lho,[61] mu n kijü pie Thedzükezeiü salie lho;[62] derei n üse, A kenei Puo gei kebapfü ütuo,[63] mu n kijü üse, Nyhüketapfü ütuo;[64] Ukepenuopfü n ngu puo neiyacü la, mu n kijü nyhülietuo.

⁵Khriesamia puoe rüüpfü puo lieyakecü tuoi, n rüna chükeshüue n lietuo, mu yasaue yasapfü gei puo nei keba tuoi, n Kepenuopfü n gei puo neituo.

⁶Harie Jerusalem, a n dahou gei rükhoumia khapie bawate; khinhie rei theva rei ukoe mhakipuorei kemekrietalie lho. Nie Jihova rükrayakecüko rüleita hie,

⁷mu puo bu rüleita hie, puoe Jerusalem chüpie puo kijü nu thetshe puo chülie kemochie.

⁸Jihova puo zatsa mu puo bou kekuou pie rüsewate: Ae nieko lha khapie nie ngumvümia vachü lalie lhote, mu chazoumia bu n mhatho la ngukelie khubedzüu krielie lho;

⁹derei pfhü kengukecüko thuo cü di Jihova tshetuo, mu nie kengukecüko thuo a kemesa phetsuo nunu krietuo.

¹⁰Palie, kharu nu palie, themiako la chau keselie; chülie, chaüu chülie, sünu ketsieko biewalie, themiako la zasi puo chüshülie.

¹¹Jihova kijü kela ketso ki a hakemhie pu pesishüwate: Zion nuopfü ki pushülie, “Harie, n kelakelie vorzhie; puo zhakhra puo zetuo, mu puo mhatho süu puo mhodzü tuo.”

¹²Uko üse, “Themia Kemesako ütuo, Jihova Rhakelieko” ütuo; mu n üse, “Pfhükelieu ütuo, Vawa kemo Nadi puo ütuo” si.