Read Angami Naga Isaya 63 Bible Online

Isaya 63 - Angami Naga bible

Isaya 63

¹“Edom nunu vorkezhüu, Bozra nunu kemeriedzü pie vakepfü pfhemenei keseu ha supuo mu? Puo pfhe puo nei mesümedekecüu, puo kekuo nyi phi di tuokezhü hau supuo ga?” “Süue A zo, kemezhüu shiekeshüu, kuo pie kelalie keviu.”

²“Kiüdi n pfhedzieu merie, mu n pfhenei khubedzü thetuoü di kedekecümia pfhenei tuoita ga?”

³“A rübei di khubedzü kethe kede, mu themiako donu miapuorei a sa mo; a a nouyie nu uko kede mu a noupfhü nu uko menyü; uko dzü pie a pfheneiko vawa, mu a pfhenei pete dawate.

⁴Khepu teisozhau a nou ki tuoketa la, mu uko kelaketuo a mhatho teicieu vorte.

⁵A meho sie, derei kekhruohi puorei tuo mo; a meho terüshü, derei miapuorei a memhipiekelie jü; süla a bou thuo kelakelie se vor a tsü; mu a noupfhü thuo a memhipielie.

⁶A a nouyie nu themiako kede, a a noupfhü nu uko bienyiewa, mu a uko phou zie rupie kijü geishü.”

⁷Jihova a ngumezhiekeshü thoko, Jihova tshelie kesü mhathoko phrü lashütuo, kekreilamonyü süko pete Jihovae u la chüshü, mu puo ngukemezhie kize, puo kekhrie tshupfü di rüdi kemo kize, Israel kinumia ngu puo nei phikecü se uko pekieshü.

⁸Puoe sie, “Uko sü a themia ketho zo, cürü di mhachülie kelho nuonuoko” siya. Sidi puo uko kelakelieu chüta,

⁹uko mezhie pete nunu. Dieliemia morei teigeidieliemia puorei mo derei puo thuo uko ze sei tuo di uko kelalie; puo kekhrie mu puo nouzhie nu puoe uko rhalie, puo thiedzü nu uko piesieshü mu uko pfüüpie vor.

¹⁰Derei ukoe keperhie di puo kemesa ruopfüu thepesuo; süla puoe uko ngumvü chüta, di puo thuo uko petsouta.

¹¹Sitse ukoe thiedzü teisozhako, puo kituou Mosa[65] teikiko rükralie. Dzükezha nunu puo kuo kroko kepfheko zeparkelieu kirapuo ba ga? Puo kemesa ruopfüu pie uko nou keshüu,

¹²puo zayie bou bu Mosa dzie zatsa vokeshüu, puo thuo puo za pie kechachie baketuo la, uko mhodzünu dzüko ketsieyakeshüu,

¹³Kesouko donunu uko ze kepau kirapuo ba ga? Rayha nu gura puo tuoi, uko phi mesüta mo.

¹⁴Peri razha nu ketsu tuoi, Jihova ruopfüu kerülei pie uko tsü. Sidi no n za bu vithedze chüketuo la n themiako chathashü.

¹⁵Teigei nu pekhrotsa mehoshü phi, n ba kemesa mu zapuzayie kechüu nunu. N shürhei mu n kekuo kirapuo tuota ga? N nou kemehüu mu n nouzhieu kirapuo ba ga? Uko a kitsa vashü mote.

¹⁶Noe hie puou zocü la, Abraham hie si mo zorei, mu Israel hie siücü puya mo zorei; he-i Jihova, no sü, hie puou; n za sü thiedzütho nu hie Rhakelieu zo.

¹⁷He-i Jihova, kiüdi no hie bu cha vajo ta? mu hie nou chü pere pie hie bu n khrü prei mota ga? N kituoko la, n kayie seyieko la rürei la vorliecie.

¹⁸N kemesa themiako dokipuo la mha peviese ba; derei tsie we hie ngumvüko n kemesa chüu kedenyiewate.

¹⁹Hie-e no hie mho di mo zokecü tuoite, n zau se kie kemo kro puo tuoite.