Read Angami Naga Levimiako 12 Bible Online

Levimiako 12 - Angami Naga bible

Levimiako 12

¹Jihovae Mosa ki:

²Israelmiako ki pushülie: Thenumiapfü puoe nuonipfülie, di thepfunuomia puo penuolie ro, puoe zha thenie kenyütuo, puoe kerhu sekecü ki tuoi kenyü batuo.

³Mu zha thetha nhie puozhü rewatuo.

⁴Süsie zha serese sa di hapfüe thezie nunu puo chü kemesa votuo; puoe mha kemesa puo rei bielie lho, morei rüsuoki puo nu rei volie lho, puo kenyükecü zhako tseita kemochie.

⁵Derei puoe thenunuomia penuolie ro, puo deobado kenie kenyü batuo, puoe kerhu sekecü ki tuoi, mu puo thezie nunu puo chü kemesaketuo la zha hiesorouesorou setuo.

⁶Siro puo kenyükecü zhako tseita ro, thepfumia morei thenumia la shierei, kethe ruosuo la puoe tekuonuo teicie puo keta yopuo, mu kephouma ruosuo la paruonuo morei, mekhru yopuo se kehoupfhekiu kikha ki nu se zievo-u tsütuo.

⁷Puoe Jihova mhodzünu nu süu khashütuo, di hapfü la thephou mesakecü chütuo, sitse puoe thezie kekru nunu mesatatuo. Nuo penuokecüpfü la thezho-u hauha, thepfunuomia mu thenunuomia la shierei.

⁸Mu hapfüe tekuonuo puo rhalie kenjü ro, puoe mekhru kenie morei paruonuo kenie setuo, puo kethe ruosuo la mu puo kephouma ruosuo la; sidi zievo-u bu puo la thephou mesakecü chütuo, di puoe mesatatuo.