Read Angami Naga Levimiako 3 Bible Online

Levimiako 3 - Angami Naga bible

Levimiako 3

¹Mia puoe mha khakeshüu vitho ruosuo la, puoe puo thukro nunu thudonuo morei thuünuo puo khashü ro, puo bu kemesa puo khapie Jihova mhodzünu shü morosuo.

²Mu puoe puo dzie pie mha khakeshüu tsügei shü di kehou pfhekiu kikha ki nu süu dukhrituo; mu Aron nuo zievokoe puo zie kegepie ruosuobau khie lutsahatsa vatuo.

³Siro puoe vitho ruosuo nunu, puo rierhuoko pete

⁴mu puo mecü gei ketuo puo shuo sa mu puo se gei khepfüketuou puo mecünie sa di biekelieu pie mi se Jihova mhodzü ki ruosuo khashütuo.

⁵Süsie Aron nuonuokoe süu pie mi mhogei seiko gei shü di ruosuobau gei kethe ruosuo khakeshü geinu süu thewatuo; hauha mi se ruosuo khakeshü puo, Jihova ki keshü puore kethengu puo zo.

⁶Puoe vitho ruosuo la khapie Jihova ki keshü puo tekuo kro nunu puochü morei puokrü puo khashü ro, puoe ciewa kemo puo khashütuo.

⁷Puoe tekuonuo puo khashü ro, puo Jihova mhodzünu se vortuo,

⁸mu puo dzie pie süu tsügei shülie di kehou pfhekiu mhodzüki nu süu dukhrituo; mu Aron nuo zievoko süu zie kegepie ruosuoba khie lutsahatsa vatuo.

⁹Siro vitho ruosuo khakeshü-u mi nunu kethe ruosuo khashütuo, puoshuo puo vadi kewhe pete mu puo vadi nu puoshuo pete, puo chieru kenyü pete, puo mei shuo pete, puo rierhuo pete,

¹⁰mu puo mecünie, puo chieca ki keba puoshuo sa, mu puose gei khepfüketuou puo mecü sa bielie di puo bu mi nunu ruosuo chü Jihova ki shütuo.

¹¹Zievo-ue süu pie ruosuoba gei theshü di mi nu kecüca pie Jihova ki ruosuo khakeshü puo chütuo.

¹²Puoe khakeshü ruosuou temvü puo ro, puoe süu pie Jihova mhodzünu shütuo,

¹³mu puo dzie pie süu tsügei shütuo, di kehou pfhekiu mhodzü kinu süu dukhrituo; mu Aron nuonuokoe puo zieu kegepie ruosuoba khie lutsahatsa vashütuo.

¹⁴Süsie puo sünu nu mha khakeshüu, mi nu ruosuo khapie Jihova ki shüketuo la puorierhuoko pete, mu puoshuo puo vadi whepfü keba pete tuo;

¹⁵mu puo mecünie, puo chieca ki keba puoshuo sa, mu puose gei khepfüketuou puo mecü sa bielie di khashütuo.

¹⁶Siro zievo-ue ruosuoba geinu süko thepie Jihova ki mi se di kecüca khakeshü puore kethengu puo chütuo. Puoshuo pete Jihova vie zo.

¹⁷Nie nuosenuoyie pete nu nie kebachü peteko nu hau pie thezho puo chü di niekoe chüshuo morei chüzie cülie lho.