Read Angami Naga Jeremia 28 Bible Online

Jeremia 28 - Angami Naga bible

Jeremia 28

¹Siro sücie Juda kediu Zedekia kedi chükelie therie cie diau nu, mu khrü pengouu nu, siedzekesi Azur nuou Hanania Gibeon nu kevor-u Jihova kinu, zievoko mu themia pete keba nunu a ki diepu di sie,

²“Krodiko Jihova, Israelko Kepenuopfü hakemhie puya: Ae Babilon kediu vocie bietshewate.

³Teicie kenie donu ae Jihova kinu mhabouko, Babilon kediu Nebukadnezar-e thechü hau nunu se Babilon nu voketako se la vortatuo.

⁴Siro ae Juda kediu Jehoiakim nuou Jekonia mu Juda themia mia die chü voketako pete, Babilon nu tsuketako ze la thechü hanu vortatuo, Jihova sikecü puya, kekreilamonyü ae Babilon kediu vocie bietshewatuocü la” sita.

⁵Sitse Jeremia siedzekesiue zievoko mu Jihova kinu ketha themia pete mhodzünu sie Hanania siedzekesiu ki die pu,

⁶ru siedzekesiu Jeremia sie, “Amen! Jihova bu sikecü chüshülie; Jihova bu siedzedie pukeshü tuoi Babilon nunu Jihova kiunu mhabouko tsiu tezeketako pete ze thechü hanu la vorshücie.

⁷Derei tsie a n nyie nu kepu die mu themia pete nyie nu kepu die rünyüshücie.

⁸Kerieki siedzekesimia n mhodzü mu a mhodzü ketuokoe rüna kekra nu mu kedirüvie kekra nu, terhü, pekrie, thepetheruo vorketuo dze siedzedie pushü.

⁹Vitho dze siedzedie kepumia puo siedzekesi dieu chü tseilie tse, Jihova siedzekesi süu ketseshü ketho zoücü silie,” sishü.

¹⁰Sitse siedzekesiu Hanania-e Jeremia siedzekesiu vo nunu vocieu pielie di süu bietshawa.

¹¹Sitse Hanania themia pete keba nunu pu di sie, “Jihova hakemhie puya: Hamhie di ae teicie kenie donu seyieko vo nunu Babilon kediu Nebukadnezar vocieu bietshewatuo” sishü, sidi siedzekesiu Jeremia puo cha nu vota.

¹²Siro Hanania siedzekesiu Jeremia siedzekesiu vo nunu vocieu bietshekewa sie Jihova die Jeremia siedzekesiu ki vor;

¹³vo di Hanania ki pushülie, Jihova hakemhie puya; Noe sei vocieu bietshewa rei ae süko sounu thegi vocie chülietuo.

¹⁴Kekreilamonyü krodiko Jihova, Israel Kepenuopfü hakemhie puya; Ae seyie hako pete vo nu thegi vocie khashü, süusü uko bu Babilon kediu Nebukadnezar lie chütuo, tsiu ae lie nu khunuoko rei sa pie puo tsüwate.

¹⁵Mu siedzekesiu Jeremia sie Hanania siedzekesiu üse, “Rünyüliecie, Hanania, Jihova n ketseshü mo, mu no themia hako chüpie uko bu kemeda pelete.

¹⁶Süla Jihova hakemhie puya: Ae kijüu zie geinu n kelhouwatuo. Ciethie no siatatuo, kekreilamonyü noe Jihova petsoukecü puketa la” sita.

¹⁷Sükemhie di Hanania siedzekesiu sücie khrü thenieu khrü siata.