Read Angami Naga Jeremia 47 Bible Online

Jeremia 47 - Angami Naga bible

Jeremia 47

¹Faroe Gaza pekakewa mhodzü, Jeremia siedzekesiu geinu Jihova die Filistinmia dze pukeshü:

²Jihova hai di puya: Harie, pesotsa nu dzü kru sierzhie, mu süu dzüdi tshurüyo votatuo; ukoe kijüu mu sünu keba pete, nadiu mu sünu lhouketuo pete tshurüyo votatuo. Themiako kratuo, mu kijüu gei lhouketuo pete kra kemerietatuo.

³Puo gura phiko phitakecü pfhe sikeshü ki, guragari pfhe sikeshü ki, puo thuoko rütoukecü pfhe sikeshü ki, mia puonuoko rürei vo u nuonuo meho lho, uko thachü phiketa la.

⁴Kekreilamonyü Filistinmia kepeka teisozha vorkezhü la, Tur mu Sidon nu kekhruohi khapie keba pete dathewaketuo la. Kekreilamonyü Jihovae Filistinmia Kaftor dzükhie kijüko khapie kebako pekawatuo.

⁵Gaza nu kebako tsü thiewate, Ashkelon kemekrie bate. He-i uko kekuo lhiepie kebako! No kedithechiepuo n thuo n rha batieya ga?

⁶He-i Jihova zhiechau! No kemekrie bakelie mhodzü kichiepuo ba ta? N thuo n chüpie zhiesha nu shüwalie, sidi rülei mu kemekrie batalie!

⁷Jihova diekhashüwata ro, kichiepuo kemekrie balietuo ga? Ashkelon mu dzükezha khie perhieketuo la puotei chieshüwate.