Read Angami Naga Jeremia 8 Bible Online

Jeremia 8 - Angami Naga bible

Jeremia 8

¹Jihova puya, süteiki Juda kediko ru, puo kedinuoko ru, zievoko ru, siro siedzekesimiako ru, mu Jerusalem nu kelhou themiako ru mekhruko nunu se partuo.

²Sidi ukoe süko kelhapie uko khriekevor mu uko lie chü kevor tsiu uko medzi kevor, tsiu uko pfhü voketa mu rüsuoketa niaki, khrü mu teigei ketuo krodiko mhodzünu shütuo, mu uko pa kengulie lho, morei khru reilie lho; uko pie kijü zieu gei nyorhu mhiewatuo.

³Sidi seyie kesuo hau nunu lhiepie kebakoe a uko whuokeshü thechü pete nu kerheiki rei kesia mengukuotatuo, krodiko Jihova sikecü puya.

⁴No uko ki pushülie, Jihova hakemhie puya: Themia tetsuketa ki, uko lasielie motaya me? Mhanuü uko rütsita ro, uko rürei la vorlieya mo me?

⁵Di siliro themia hako[18] kidi kechachie tsiesietuotuo ga? Ukoe mhasekedokecüu thezetsate, uko rürei la mvüte.

⁶Ae a nyie kedeishü di rünyüshü, derei ukoe dietho-u pu mo; miapuorei puo rüzhü nunu puo nou kedilie mo, sidi sie, “A kedipuo chüwata ga?” iya. Mia pete rei puo thuo puo medo nu vote, gurae terhü nu thu voketa tuoi.

⁷Teiko gei ketuo perako rei u thuo u teiu silieya; siro khruleinuo, dzükhu mu kitienuo rei u thuo kevor teiu meho baya; derei a themiako we Jihova khakeshü zho si mote.

⁸Leshükesiue kekrükecü kethusei se, süu chü kemedawata rei, nie kiüdi, “Hie si ba, mu Jihova zho-u hie zetuo zo” iya ga?

⁹Mhakesimia pie thenga nu shüwatuo, uko bu uzie jüta di tezetatuo; ukoe Jihova dieu meliewaketa la, siro kedipuo mhasi uko nou ba ga?

¹⁰Süla a uko nupfünuoko pie mia kekreimia tsüwatuo, tsiu uko lieko pie welieketuomia tsüwatuo, kekreilamonyü kecütho nunu vo kezhatho ketso, uko pete rei puotou mo di ngukelie mehoumengu, siedzekesiu nunu vo zievo-u ketso uko pete rei medate.

¹¹Ukoe a themia rüzapfü chü kemene dakeshü zo, sidi, kezekevi jü zorei, “Kezekevi, Kezekevi,” isiya.

¹²Ukoe kemenga thoko chü, ukoe kerütsekecü chü; sizoü rei mengalie mota zo, uko zie merielieketuo rei si mo. Süla ukoe tetsuketako ze tetsutuo; a siazha pie uko ketsü teiki, uko kelhouwa zotuo, Jihova siya.

¹³A uko pfhü kengulietuoü kesie ki, Jihovae siya, khubebo gei khubesi zha mo, chiedebo gei chiedesi zha mo; seinyüko thuo rei rüwite, siro a khapie uko ketsüko uko ki nunu tate.

¹⁴Kiüdi úko kemekrie bata ga? Vo kenguliecie, úko kuda hou piekeba nadiko nu le khe, sidi kata khe; kekreilamonyü Ukepenuopfü Jihovae u bu katatuoü di u khapie bawate, sidi therei dzüpie u bu krietuoü khashü, kekreilamonyü we Jihova gei jowatacü la.

¹⁵We kezekevi pfhü, derei mha kevi puorei ngulie mo, chü keshürhokelie tei pfhü, derei süu sounu kemeriekecü rübei.

¹⁶Gura nyhü kekhau pfhe Dan nunu si; puo gurako keruopfhe sikeshü ki kijü pete rünieta. Ukoe vor, sidi kijüu mezulie, mu sünu keba pete pekawa, nadiu mu sünu lhou keba pete.

¹⁷Harie, tinyhü kerhu pethalie kelho, ketsepie nie donu shütuo, mu sükoe nie medutuo, Jihova sidi puya.

¹⁸A kenei jüte, nousuo a gei bate, a melou mhachü bate.

¹⁹Rünyüshücie, kijü ketsekethou nunu a themiako krakecü pfhe: “Jihova Zion nu ba mote me? Puo kediu puo ze ba mote me?” (“Kiüdi ukoe terhuorhiko, siro seyiekekreimia rhuoko se a nou chü kemeyieya ga?”)

²⁰“Lieyie teiu vote, metsü teiu tseite, derei hie we kelalie mote”

²¹A themia kemezhiekelie la a kemezhielie, a thekrü chü, theziekejü a gei vor bate.

²²Gilid nu daru ba mote me? Sünu darukesimia ba mote me? Di siro kiüdi a themia kejüko shürholie mo ga?