Read Angami Naga Thekrü 4 Bible Online

Thekrü 4 - Angami Naga bible

Thekrü 4

¹Kikemhie di sunau zeita, mu kimhie di suna kevithopfü rüdite mu! Kemesa tsieko khu ketoupie chaü peteko nu zhüwate.

²Zion nuonuo puomakereko, suna kevipfü ze kemejülie vi! Kimhie di uko pie thedziepie kechü rünyoli kemhieüte shi!

³Meseruko thuo zorei puonu khapie u nuonuo kemedzüko bu nulieya, derei a themiako u zhosuote, nhatsanu pera Ostrikpfü tuoite.

⁴Terhümerükecü la kenunuoko meü vo u me kupfü bate; nhicunuoko niekhrüda cha, derei miapuorei mha pie uko tsü mo.

⁵Kecükekrie pie thehethehie chüketuomia chaüko nunu kate; pfhe meriemegekecü dzie kevomia nyopfhükhru nu bate.

⁶Kekreilamonyü a themia mha kesuokechü[3] siazhau Sodom kephouma siazhau ki zhakuota zo, süue hiepuo ki nu pekawa, thedzie puorei puo gei shü morei.

⁷Puo kedinuokoe pekrie kirei mesakuo, mithunudzü kirei krakuo; uko moko ketsie kirei meteikuo ba, uko tsüthae safir kemhie.

⁸Derei tsiewe uko zie-e ketsiemizhü kirei teikuo; chaüko nu mia uko si mote. uko zhü uko ru dapfü bate; mu sei kemhie sotote.

⁹Zhiecha bu u dukhrikewamiae khe di siakecümia ki vikuo, lie nu puo si vükelieu se ba mo di, u kerhei jüketako ki.

¹⁰Mia ngumezhieyakecü thenupfüko dzie thuo u nuonuo pie dzünu belie; süko pie u kecüca chü a themiako kaketa nhie.

¹¹Jihovae puo noupfhü kha tseishü; puoe puo nouyie kereu rushüte, sidi Zion nu mi petushüte, sidi puo mvüdzeko thewate.

¹²Kijünu kediko, kijünu kelhoumia peteko rei, u petsoukecümia morei ngumvümia Jerusalem kharuko nu lelietuoükecü pelelie mo zo.

¹³Puo siedzekesiko kephouma la, mu puo zievoko mha kesuo kechü la, uko donu kemiathomia zie pekrukecü lanu zo.

¹⁴Uko chaüko nu pemo tuo, theziepie perhukewako nu, süla miapuorei uko pfheneiko nyülie kenjüte.

¹⁵Themiako uko pu di, “Tuotalie! Mesa mo”, “Tuotalie, tuotalie! Nyü hie!” isi. Süla uko taketuomia mu rühouketuomia chüte; süla seyieko donu kepu di, “Ukoe hanu tuo salie lhote” iya.

¹⁶Jihova thuo uko bie ketsieyawate, puoe uko dze le sa mote; therhupie zievoko tsü mo, phichüko khriekecü rei chü mo.

¹⁷Hie mhi-e, hie kekhruohi meho di mhangu mote; hieko mia kelashülie kenjükecü seyie puo pfhe ter vor.

¹⁸Uko hie phichako sie pie di khashü mvü, hie bu hie chaüko nu tuo volie kenjüte; hie thela penuo vor bate; hie teisozhako phrüwate; hie thela vortakecü la.

¹⁹Hieko whuoketuomiakoe teiko gei tsüüra pfü ki ta vikuo; ukoe kijüthou geinu hie whuo tuoya, uko rayha nu hieko rü zhüya.

²⁰Hie kerheiro kehau, Jihova thuo kenhekelieu, uko kheho nunu teliete, hiekoe puo dze pu di sie, “Puo shükhro nu hie seyieko donu lhoutuo” iyakezhau.

²¹N neilie tsiu n noumvülie, he-i Edom nuopfü, Uz kijü nu bayakezhapfü; derei tehieu rei sa keyiepie n ki vortuo; no mezetatuo sidi n thuo methuo zhütatuo.

²²N kesuokechü siazhau chüshüwate, he-i Zion nuopfü, puoe cüsie n ze vo mia die chü salie lhote; derei puoe n kesuokechüko siazha chüshütuo, he-i Edom nuopfü; puoe n kephoumako hielashütuo.