Read Angami Naga Thekrü 5 Bible Online

Thekrü 5 - Angami Naga bible

Thekrü 5

¹He-i Jihova, kedipuo hieko gei vor shikecü, rükrashücie; mehoshücie, sidi hie kemengakecü leshücie.

²Hie kayieko sikemomia tsüwate, hie kiko pie chazoumia tsüwate.

³Hiekoe merünuomia, upuonuo kejümia chüte; hie zuonuoe samimia mhiete.

⁴Hie dzükekrie ma su morosuote; hie sei rei khrü morosuote.

⁵Vocie puo pie hie vo gei shü di hie bu kemezhie phite; hie hie nyiete, kerülei pie hie tsü mo.

⁶Niekhrüda tsü pevülietuoü di hie Ijiptmia tsiu Asiriamia ze kepfhekhowa.[4]

⁷Hie puonuoko phoumawa; uko tuo mote, sidi hie bu uko kephouma pfüte.

⁸Kediemia hie mho dite; miapuorei uko dzie nunu hie shüphralie kenjüte.

⁹Hie kerheiro pie kemichie nu phi di hie niekhrüda ngulieya; kekreilamonyü rayha nu zhiechau la.

¹⁰Pekriekecü uthe pie hie zhü teipie miphu ketei tuoite.

¹¹Zion nu thenupfümia, tsiu Juda nadiko nu rüüphouseko shüwate.

¹²Kedinuoko pie gouwate; pehümia rhukecü tuo mo.

¹³Khriesako kemvü chüpie mhage, thepfunuoko seide pfü di pevüvüte.

¹⁴Nadi kharu nu phichümia ba sa mote, khriesamia tsali chü sa mote.

¹⁵Hie nou keneiu tseite; hie dowhuo kebapie thekrü chüwate.

¹⁶Hie tsü gei keditsüreu tetsute; hie we ce chülietie, hie phoumawaketa la!

¹⁷Hau la hie nou thachüte, hau la hieko mhi zeite.

¹⁸Zion kijüthou-u, ruozhüketa la; meseru sügei rühou tuote.

¹⁹Derei no we, he-i Jihova, kechachie di baya; n kedi-e thephou pete nu baya.

²⁰Kiüdi no hie rükra mo tseita ga? Kiüdi teisozha kekra hie khawata ga?

²¹He-i Jihova; hie teshüpie n kitsa shülieyi, sitse hie lhou lalietuo; thiedzü kemhie hie teisozhako chü kesa lashücie,

²²no hie kha tseiwa, tsiu n nei mothorta zo kemosie.