Read Angami Naga Ezekiel 15 Bible Online

Ezekiel 15 - Angami Naga bible

Ezekiel 15

¹Siro Jihova die a ki vor di sie:

²He-i themiau, khubeboe seibo kekrei ki kedipuo nu krei, mu ketsa nu seiboko donu puoco puoe kedipuo nu krei ga?

³Süu geinu sei biepie mha huo chülieyaü me? Süu bie pie cawi chü di mha goulie kevi chülieya me?

⁴Süue kelhoupie mi chütuoü miü nu shüshüya; miue puotie lutsa hatsa thewaya, sidi puo metsuou thepeteiwaya, süu se mha huo chülie viyaü me?

⁵Süu thewa kemo ki, süu se mhatho puorei chülieya mo; siro mipie thekewa sie, selie suokuote, süu the peteiwa, siliro süu se mhachülie kevi parlie vi me?

⁶Süla Niepu-u Ukepenuopfü puya: Ketsa nu seiko donu khubebo pie seidei chü di miü nu shüwayakezha seibo donu keba tuoi, a Jerusalem nu kelhoumiako khashüwatatuo.

⁷Siro a ziepie uko petsoutatuo; uko thuo miü nunu talie zoürei, miu thuo uko thepejüwa zotuo; mu noe a Jihova zo ücü silietuo, a zie pie uko petsou kesie ki,

⁸Siro a kijüu bie kemethuowatuo, kekreilamonyü uko kekrükecü thoko chükecü la, Niepu-u Ukepenuopfü siya.