Read Angami Naga Ezekiel 19 Bible Online

Ezekiel 19 - Angami Naga bible

Ezekiel 19

¹Siro no we, Israel nu kedi nuonuoko la thekrü chüshülie

²Sidi sie: Kidepuorei n zuoe Loshako donu nu loshapfü puo mhie shi! Puo losha kemedzüko donu zhüzhüya, sidi puo nuonuoko vachüya.

³Siro puo puo nuoyo puo theke se sier; sidi puo losha shapounuo puo chülie, mu puo sie chü tekecü do silie; siru puo themia tecüta.

⁴Seyieko puo petsou di kemichie vorkezhü pfhe se pesishü; uko thekre nunu puo telie; sidi cawi pie puo gou se parlie di ze Ijipt nu tsu.

⁵Siro puoe puo nou thachüketa, tsiu puo kemerü jüketa ngu tse, puoe puo nuo kekreiyo puo zelie di puo chüpie puo bu losha shapounuo puo chülie.

⁶Puo loshako donu kho mu ke; puo losha shapounuo chülie, mu puo chü tekecü do silieta; siru puo rei themia tecüta.

⁷Sidi puo uko dahou kemeteiko[24] pfhü di peka, siro uko rünako vawawata; kijüu michieta, mu sünu keba pete rei puo keruopfhe sikeshü ki,

⁸Seyieko kedirüvieko lutsa hatsa nu sie puo perhieta; uko jal kelhapie puo geishü; sidi uko thekre nunu puo malie.

⁹Uko mhapie puo kekhalie, di puo pie mhabou nu shüwa, sidi puo ze Babilon kediu ki vorta; uko puo ze kedieki nu vor, Israel kijüthouko gei mia bu puo pfhe si salie lhoü di.

¹⁰N zuoe khubebo puo[25] dzü khieki nu pelhoupie keba mhie zo, dzü ketshukelhuo keba kinu puosi vi, mu puoco thuo tshupfü ba.

¹¹Puobo kemeteitho-u sier mha kekhakecü theu chülie;[26] puoco kedei donu puobo-u rükrie khota; puoco kekra ze di puoe rükrie krapfü bata.

¹²Derei süu noupfhünouyie nunu phewa, sidi kelhoupie kijü shüwa; niathutsa teikhrieu bu süu he pesowa, puo siko he riewa, puobo kemeteiu rüwita; sidi mi bu süu thewata.

¹³Sidi tsiewe süu phe kedipie rayha nu, kijü keso mu terhükezhü ra shüwa.

¹⁴Siro mi puoboko donu nu tu par; sidi puocoko mu puo siko thewa, idi puo mia kekhalieketuo theu puobo kemeteiu ba sa mote. Hauha thekrü puo, mu hau thekrü puo chü di seya.