Read Angami Naga Ezekiel 38 Bible Online

Ezekiel 38 - Angami Naga bible

Ezekiel 38

¹Jihova die a ki vor di sie:

²Themiau, n zie pie Gog petsoulie, süu Magog kijü nu keba, Meshek mu Tubal kedi kemeyie nie, siedzekesidie pu puo petsoushü,

³sidi sie: Niepu-u Ukepenuopfü hakemhie puya: A n petsouya, harie Gog, Meshek mu Tubal kediu;

⁴a n shükewhishü di cawi pie n meco gulietuo, sidi n chüpahiko pete, gurako mu gurakeseko pete ze parwatuo, uko pete rei rünyie se tsei, krodi kezha puo, uko pete pezhü mu keya zhiecha pie phre.

⁵Persia, Ethiopia[67] mu Put uko zetuo, uko pete rei pezhü mu thegi tsüre se phre;

⁶Gomer mu puo chüpahi pete; thechü pesothotsa keba Beth-togarma puo chüpahi pete ze di themia kekra n zetuo.

⁷Dojülie mu dojü se balie, no mu n kro-u n houpfü keba themia kro pete, sidi n thuo uko la dojüpie kebau chüliecie.

⁸Siro zha kekra sienu n phrütuo; teicie kenuotsa no terhü nunu lielieketa kijüu petsoutuo, süusü seyie kekra donu nu ze vor Israel kijüthouko, puotei kekra ruozhüketa gei shülietuo; puo themiako seyieko donu nu ze vorlie mu tsie we uko khrukhre di batatuo, uko pete rei.

⁹Noe khriedi tuoi vortuo; noe kimhou tuoi di kijüu ze pfülietuo, no mu n chüpahi kro-u pete rei, tsiu themia kekra n zeketuo pete rei sümhietuo.

¹⁰Niepu-u Ukepenuopfü hakemhie puya: Sünhie n noule huo vortuo, sidi mha kesuo puo chüketuo le medotatuo.

¹¹Noe sie, “A dahou houkemo rünako nu khotuo; a themia lhou rüütshüi kebako gei phituo, uko pete rei dahou sa mo di ba, tsiu cakha morei kharuko rei jü,” situo.

¹²Mha pekatuoü mu pekakelie setatuoü di, methuokezhü thechüko nu tsie themia lhou kebara, sükoe seyieko donu nu kengu vor lhou kebako u kiri mu u nya nyita di kijü metsuo nu lhou kebako,

¹³Sheba mu Dedan tsiu Tarshish nu lhithomiako mu terhümiavi kemedzüko[68] pete sie di n ki, “No mha pekatuoü di vor me? No mhabietuoü, rakachü mu suna ketasetatuoü, khunuo mu mhanya setatuoü, siro mha kekra pekalietuoü di vor me?” situo.

¹⁴Süla, themiau, siedzedie se Gog ki pushülie: Niepu-u Ukepenuopfü hakemhie puya: A themia Israelko khrukhre di lhou baketa nhie, no n thuo sierlietuo.[69]

¹⁵Sidi pesothotsa n thuo n chü nunu vortuo, no mu themia kekra n ze di, uko pete rei gura gei tuotuo, krodi kezha, rüpfhünuo kezha puo.

¹⁶Noe kimhou kemhie kijü zepfü di a themia Israelko petsou vortuo. Teisozha kenuotsa a kijüu petsouketuo la a n ze vortuo, sitse n geinu seyieko a silietuo, harie Gog, uko mhingu nunu a kemesa pekieshütuo.

¹⁷Niepu-u Ukepenuopfü hakemhie puya: A thiedzü a kituo Israel siedzekesiko ki pu di, a n ze vor uko petsouketuo dze pedzüperie teicie kekra siedzekesiko bu pu kevor-u no themia süute me?

¹⁸Gog-e Israel kijüu petsou kevor tei nhie, a nouyieu siertatuo, Niepu-u Ukepenuopfü siya.

¹⁹Kekreilamonyü a rokecü mu nouyie keleu nunu a pesishü; sünhie Israel kijü shükenie seshütuo;

²⁰dzükezha nu khuoko, teigei ketuo rako, mu kijü nu gouketuo khunuoko, kijü zie gei themia pete, a mhodzünu shükenieshütuo. Sitse kijüthouko tetsutatuo, mu kijü khieheko metatuo, tsiu sozha pete te kijü tsutatuo.

²¹A kijüthou pete gei zhiecha kieshü di Gog perhietuo, Niepu-u Ukepenuopfüe puya; mia pete zhiechau se puo zeu petsoutatuo.

²²Thepetheruo nunu thezie pekru di a puo ze dienyau nu letuo; mu a teirü sekecü, prü, mu mitsie gei tsiu puo themiako kro-u gei, mu themia kekra puo ze ketuoko gei tsurtuo.

²³Hakemhie di a thuo a kezha mu a kemesa pesishütuo mu seyie kekra mhi bu a silietuo. Sitse ukoe a Jihova zo ücü silietuo.