Read Angami Naga Ezekiel 5 Bible Online

Ezekiel 5 - Angami Naga bible

Ezekiel 5

¹Siro no, he-i themiau, zhiecha puoü vi secü puo seliecie, süu pie mia tsü thieyakezha tsüpfü puo chü di selie, süu pie n tsü mu n tiemie thiewalie, cüsie mha kemejü puo selie, sidi n thako kezalie.

²Sidi mia rekecüu tseita tse, nadiu nunu mi pie süu se za puo thewalie; no se za puo chülie, sidi zhiecha puo pie rewalie; siro se za puo pie teikhrie nu kezawaliecie, sitse ae zhiecha puo shüzou se par süu rütuo ho.

³Siro noe süko donu huoyo chüliecie, sidi süko pie n nei nu phaliecie.

⁴Süsie süko nunu no huoyo chü lalie di kelhoupie mi nu shü di süko thewalie; sünu nu miü puo par di Israel kiu pete petsoutuo.

⁵Niepu-u Ukepenuopfü hakemhie puya: Haue Jerusalem we; ae puo pie puokhie puomhou keba seyieko metsuo nu shüshü.

⁶Derei puoe a zhoko mu a kepethadieko petsoute, seyieko mu rünako puokhie puomhou houpfü kebako pete kirei suokuote, a zhoko zemvü mu a kepethadieko medzi mvüte.

⁷Süla Niepu-u Ukepenuopfü hakemhie puya; kekreilamonyü niekoe nie khieümhoura ketuo seyieko kirei suokuote, sidi a kepethadieko medzi mvü mu a zhoko se ba mvüte, derei seyie nie khieümhou ketuoko zhoko medzite.

⁸Süla Niepu-u Ukepenuopfü hakemhie puya: A, a thuo nie petsoutuoü vorzhü, sidi ae seyieko mhingu ki nu nie gei theca chüshütuo.

⁹Siro no kerütsekecü pete chükecü la, a n gei thiedzü chüshü kemo tsiu hasietsa rei chüshülie kelhopfü chüshütuo.

¹⁰Ketho zo, mia krünuoko nieko donu nu u nuonuoko chü cütuo, tsiu u nuonuoko rei u krünuoko chü cütuo; a nieko capi chütuo, siro nieko peshapie kebako pete ae kezapie teikhrie pete nu shüwatuo.

¹¹Süla a rheituoyakezha tuoi, Niepu-u Ukepenuopfü puya; ketho zo nieko mha kerütsekecü pete pie a kemesachüu bie perhuwata zo, süla a rei nieko dathewatuo;[8] a mhi-e ngu jowalie lho, mu a mia ngumezhieshülie lho zo.

¹²Nieko se za puo thesa se chütuo, siro pekrie bu nieko donu nu nieko cü pejüwatuo; tsiu ae se za puo kezapie teikhrie pete nu shüwatuo, sidi ae zhiecha shüzou se uko whuo partuo.

¹³Hai zo di a nouyieu puo thuo partatuo, sidi a noupfhüu bu uko gei tsutuo, a nouyie rükrelie kemochie, sitse ukoe a noupfhüu rupie uko gei shükeshüu, a Jihova thuo a ro di pukeshü silietuo.

¹⁴Süsie rei a n chüpie n bu seyie n khieümhou kebako donu, tsiu n pfüthe kevo pete bu n krenyü mu khakewa chütatuo.

¹⁵Niekoe mia krenyü chü mu mia bu melekecü chütatuo, n khieümhou keba seyieko bu se u pethakecü puo mu uko bu süu la michieketuo puo chütatuo, a nouyie mu noupfhü se n gei capi chüshü mu siazha kemeriekecü khakeshü ki, a Jihova thuo pushüte,

¹⁶a nieko petsou di pekriekecü, kesia theüko, kepeka theüko ketsepie nieko pekakeshü ki, sidi a pekriekecü chü pekrashütuo mu nieko kecüca bie pejükewa ki.

¹⁷Ae pekriekecü mu nhachü kekhrie ketsepie nie petsoutuo, mu ukoe nie nuonuoko rügulietuo, thepe tsiu thezie pekrukecü nie pfüthe votuo, mu a a zhiecha se nieko gei vortuo. A Jihova thuo hau pushüte.