Read Angami Naga Daniel 10 Bible Online

Daniel 10 - Angami Naga bible

Daniel 10

¹Persia kediu Sairos dikelie cie se cie, die puo se par Daniel, puoü Belteshazar ükecüu pesishü. Dieu ketho zo, mu süu ketekegeikecü kezha puo dze. Puoe ziemho nunu dieu silie di puocapuola silie.

²A Daniel, süteiki zhadoudo se a nousuo bata.

³Sidi a kecüca keviko cü mo, themuo morei khubedzü rei pie a me nu shü mo, sidi zhadoudo seu tseita kemochie tier pie a tsükenhe rei mota.

⁴Siro thekhrü therieu zha mepfüedia, a kerü kezhau (süu üse Tigris üya) khieki tha,

⁵sidi a meho sie ru linen pfhe dzie, Ufas nunu sunapfü pie puo chie phakepfü mia puo ngu.

⁶Puo mo rei beril tsie kemhie, puo zie teikemela mhie, puo mhinie mitu tuoi, puo bou mu puo phinie merenyi kemeva tuoi, mu puo pfhephra rei krodi pfhephra mhiei zo.

⁷A Daniel rübei ziemho-u kengu zo; a zeketuoko u gei perüsürüsa vor zorei uko ziemho-u ngu mota, mu uko ta vo rüshüta.

⁸Süla a bu a rübei ziemho kezha süu ngu. A kekuo jüta, mu a chü teimekie zota mu a phisiata.

⁹A puo dieko sishü, mu zerepfü di a sie si mo zhüta.

¹⁰Derei thedzie puo a bieshü di a bu khoutoulie mu a dzienie pie nerhulie.

¹¹Sidi puo a ki, “Daniel, thekhriekepfütho-u, a n ki die pushüketuoko rünyü touliecie. Siethalie, kekreilamonyü haha la a ketsepie n kishüwe” sita. Süla puo die hako pie a ki pu tha tse, a peta.

¹²Sitse puo a ki, “Michie hiecie, Daniel, kekreilamonyü no puocapuola silietuoü di Kepenuopfü mhodzünu n thuo n chü kerünuokelie tei therie nunu, n dieko rünyüliete, mu a n dieko la vorzhie.

¹³Derei Persia kedi rüvie nu kedinuou zha mepfüepuo a perhiete. Süla Mikael, kedinuoko kezha puo vor a khruohishü, mu a puo bu Persia kedirüvie nu kedinuou ze bate,

¹⁴sidi thelatsa n themiako gei kedipuo chü vortuo shicüko pie n bu silietuoü di a vorte. Kekreilamonyü ziemho-u liro thiesie teisozha kekra late” sita.

¹⁵Sidi puo a ki die hako pu tha mu a ziepie kijü petsou shü mu a mhapuorei pulie mota.

¹⁶Süsie themia kemhiecü puoe a tie bieshü ru, a tiega sie di a mhodzü ketha themiau ki, “A niepuu, ziemho-u la kemezhiekecü a gei vorte mu a kekuo jüte.

¹⁷Kimhie di a niepuu kituo-u a niepuu ze kerüchülie ta? Kekreilamonyü a pekhrukhrute,[18] a gei kekuo puorei jüte, mu a thesü puorei a gei ba mote”, sishü.

¹⁸Süsie themia kemhie puo a bieshü di a chü pekuoshü.

¹⁹Puo sie, “Michie hiecie, thekhriekepfütho-u, n neilie. Meteilie mu thepfulie!” sita. Puo a ki mha pushü ru, a kekuo ngulie di sie, “A niepuu diepushücie, no a chü pekuoshüketa la” sishü.

²⁰Sitse puo a ki, “Kiüdi a n ki vor shi no si ba mo? A tsie vo Persiamia kedinuou ze keperhietuo, mu a puo biekewa sie, Grik kedinuou vortuo.

²¹Derei ketho leshüdau nu thupiekebau a se n ki pushütuo. Mikael, nieko kedinuou zo kemosie, kedinuoko petsouketuo a zemia puorei ba mo.