Read Angami Naga Daniel 12 Bible Online

Daniel 12 - Angami Naga bible

Daniel 12

¹“Süteiki Mikael, kedinuo kezhau, n themiako keyau siertuo. Siro kemezhiekecü tei puo siertuo, süusü seyie chükelie therie nunu sikecü vor mo zoluo. Derei sükisü n themiako leshüdau nu u za thupie kebako kelalietuo.

²Siro kijü nyophe[23] nu zekezhüko kekra colietuo, huomia kechachie kerhei nu votuo, mu huomia we thenga mu kechachie thikecü nu tuo.

³Siro mhakesimia bu teigei kezie mhie zietuo, mu mia kekra chathapie kemiatho nu shükeliemia bu kechachie mu kechachie themvü mhie zietuo.

⁴Derei Daniel, no we, die hako pekhrepie balie, mu thela teiu vor kemochie leshüdau zasi vüpie bawalie. Themia kekra ta lutsa hatsa votuo, mu mhasi kra miemietatuo” isi.

⁵Sitse a, Daniel, mehoshü ru mia kekrei kenie par, mia puo kerüpo hatsa mu kekreiu lutsa tha.

⁶Sitse uko miapuoe linen pfhe dzie di kerü nu dzü mho kethau ki, “U ngo hako chü tseiketuo kedithechiepuo tuo ga?” idi pu.

⁷Sitse linen pfhe dzie di kerü nu dzü mho kethau, puo dzie puo zatsa mu puo vitsa yhapie teigei petsoulie. Sidi puoe kechachie rhei tuoyakezhau za se rüse di die haha pukecü ae si, süu puotei puo, puotei kenie, mu puotei tie puo[24] ketsotuo, tsiu kemesa themiako kekuou biekhrü tseiwa tse, mha hako chü tseiwatuo.

⁸Ae sishü derei puocapuola silie mo; sidi sie, “A niepuu, mha hako geinu kedipuo chü partuo ga?” ishü.

⁹Sitse puo sie, “N cha nu volie, Daniel, kekreilamonyü die hako pekhrepie ba zotuo, mu thela teiu vor kemochie pekhrepie ba zotuo.

¹⁰Themia kekra chü kemesa, khrüwa, chü pevilietuo, derei kerüzhüko we rüzhü ba zotuo. Kerüzhüko miapuorei puocapuola silie lho, derei mha kesimia we puocapuola silietuo.

¹¹Siro süteiki chü meyakezha kethe ruosuou khawa di mha kepeka kerütsekecü khashüketuo teisozha nyie puo krie kenie di hiethepfütuo.

¹²Hie zo tha di teisozha nyie puo krie se di serepengou nu vokeliemia thejakepfümia zo.

¹³Derei no we, n cha nu volie, di rüleilie, teisozha thelau nu n zhakhra ngulieketuo la no lasielietuo” sishü.