Read Angami Naga Hosea 12 Bible Online

Hosea 12 - Angami Naga bible

Hosea 12

¹Efraim-e teikhrie pfhe di, teisozha pete niathutsa teikhrieu whuo tuoya; ukoe kemeda mu zhosuo chü pekra miemieya, ukoe Asiria ze kepfhekholie, sidi tier toupfü Ijipt nu vo.

²Jihovae puo nei mo di Juda petsou bate, mu Jakob zho kize puo pechütuo; mu puo mhatho kize puo zha chüshütuo.

³Puo zuo va nunu puo dzürieu phitshü teshülie, mu puo themia zho se Ukepenuopfü ze kekuokie chü.

⁴Puo teigeidieliemia ze kene di kuolie, kra di puo ki puo mezhiemelo; puoe Bethel nunu puo ze kese, di sünu nu puo[30] ki mha pu.

⁵Jihova sü krodiko Kepenuopfü, puo zae Jihova!

⁶Derei n la zo we, rürei n Kepenuopfü ki volie, kekhrie mu kethocau thezetsalie, sidi n Kepenuopfü pfhe merü sei baliecie.

⁷Lhitho-u dzie nu kekrükecü roshükhou ba, puoe mia pesekecü puo neiya.

⁸Efraim sie, “Aya, ae mhanyi, a la kinyi pfhüliete; a mhapfhükelie pete nu a gei kekrükecü kephouma ngulie mo” si.

⁹A Ijipt nunu n Kepenuopfü Jihova zo; pethokeshü thenyi zhako tuoi, a n bu pfheki nu lhoutuo.

¹⁰A siedzekesiko ki mha pushü; ziemho chü pekrakeshüu sü a zo, tsiu siedzekesiko geinu mha pekaketuo se vortuo.

¹¹Gilid nu mha kesuo ba, ukoe kemethuo chütatuo. Gilgal nu ukoe thudo pie ruosuo chü, süla uko ruosuokoe lie nu ketsie ketapie kepukezhü tuoitatuo.

¹²Jakob-e Aram kijü nu ta vota, sünu Israel-e puo kimia la mhachü, tsiu puo kimia la puoe tekuo pfhe.

¹³Jihovae siedzekesiu geinu Israel ze Ijipt nunu parshü, tsiu siedzekesiu geinu puo pekrupie balie.

¹⁴Efraim-e mha kesuo chü seshü, süla puo Niepu-u puo kejo-u pie puo gei shütuo, puo mia kengakeshü pie puo gei la shütuo.